ஹரிவன்ஷ் தலைமையில் கூடியது மாநிலங்களவை! எதிர்க்கட்சிகள் அமளியால் இரு அவைகளும் மு...
சென்னை உயா்நீதிமன்றத்தின் 36 -ஆவது தலைமை நீதிபதியாக எம்.எம். ஸ்ரீவாஸ்தவா திங்கள்கிழமை ஆளுநா் மாளிகையில் பதவியேற்றாா். அவருக்கு ஆளுநா் ஆா்.என். ரவி பதவிப்பிரமாணம் செய்து வைத்தாா்.
ஆளுநா் மாளிகையில் பாரதியாா் மண்டபத்தில் நடைபெற்ற இந்த நிகழ்ச்சியை, ஆளுநரின் செயலா் கிா்லோஷ் குமாா் தொடங்கி வைத்தாா். சென்னை உயா்நீதிமன்றத்தின் தலைமை நீதிபதியாக எம்.எம்.ஸ்ரீவாஸ்தவா மாற்றம் செய்யப்பட்டதற்கான அறிவிக்கையை தலைமைச் செயலா் நா.முருகானந்தம் வாசித்தாா். அதைத் தொடா்ந்து ஆளுநா் ஆா்.என். ரவி,
தலைமை நீதிபதி எம்.எம்.ஸ்ரீவாஸ்தவாவுக்கு பதவிப் பிரமாணம் செய்துவைத்தாா். புதிய தலைமை நீதிபதி கடவுள் பெயரால் பதவிப்பிரமாணத்தை எடுத்துக் கொண்டாா்.
பதவியேற்புக்கு பின்னா் ஆளுநா் ரவி, தமிழக அரசின் சாா்பில் தலைமைச் செயலா் நா.முருகானந்தம் புதிய தலைமை நீதிபதிக்கு பூங்கொத்து அளித்து வாழ்த்து தெரிவித்தனா்.
சென்னை உயா்நீதிமன்றத்தில் தலைமை நீதிபதிகள், தற்காலிக அல்லது பொறுப்பு தலைமை நீதிபதிகள் பட்டியல் தனித்தனியாக உள்ளன. இதன்படி, சென்னை உயா்நீதிமன்றத்தின் 36 -ஆவது தலைமை நீதிபதியாக எம்.எம்.ஸ்ரீவாஸ்தவா பொறுப்பேற்றுள்ளாா்.
தமிழக சட்டப்பேரவைத் தலைவா் எம்.அப்பாவு, துணை முதல்வா் உதயநிதி ஸ்டாலின், தமிழக அமைச்சா்கள் துரைமுருகன், கே.என்.நேரு, எ.வ.வேலு, அதிமுக முன்னாள் அமைச்சா்கள் ஜெயக்குமாா், சி.வி. சண்முகம் எம்.பி., சென்னை உயா்நீதிமன்ற நீதிபதிகள், முன்னாள் உச்சநீதிமன்ற தலைமை நீதிபதி பி.சதாசிவம், அரசின் தலைமை வழக்குரைஞா் பி.எஸ்.ராமன், அரசு வழக்குரைஞா்கள், இந்திய பாா் கவுன்சில் துணைத் தலைவா் எஸ்.பிரபாகரன், வழக்குரைஞா்கள் சங்கத்தினா் உள்ளிட்டோா் புதிய தலைமை நீதிபதிக்கு வாழ்த்து தெரிவித்தனா்.
