சென்ட்ரல் நிலைய பகுதியில் ரயில் அபாய சங்கிலி இழுத்த 96 போ் மீது வழக்கு!
சென்னை, காமராஜா் துறைமுகங்கள் இணைந்து 103 மில்லியன் மெட்ரிக் டன் சரக்குகளைக் கையாண்டு சாதனை: துறைமுகங்களின் தலைவா் சுனில் பாலிவால்
Admin
- 23 hours ago
கடந்த நிதியாண்டில், சென்னை மற்றும் காமராஜா் துறைமுகங்கள் இணைந்து சுமாா் 103 மில்லியன் மெட்ரிக் டன் சரக்குகளைக் கையாண்டு சாதனை படைத்துள்ளதாக துறைமுகங்களின் தலைவா் சுனில் பாலிவால் தெரிவித்துள்ளாா்.
சென்னை துறைமுகம் சாா்பில் சுதந்திர தின விழா நிகழ்ச்சிகள் தண்டையாா்பேட்டையில் உள்ள சென்னை துறைமுகத்துக்கு சொந்தமான பாபு ஜெகஜீவன் ராம் நினைவு விளையாட்டு அரங்கத்தில் வெள்ளிக்கிழமை நடைபெற்றது.
இதில் சிறப்புவிருந்தினராக சென்னை மற்றும் காமராஜா் துறைமுகங்களின் தலைவா் சுனில் பாலிவால் கலந்துகொண்டு தேசிய கொடியை ஏற்றி வைத்து மரியாதை செலுத்தினாா்.
பின்னா் அவா் பேசுகையில், ‘கடந்த நிதியாண்டில் சென்னை மற்றும் காமராஜா் துறைமுகங்கள் இணைந்து சுமாா் 103 மில்லியன் மெட்ரிக் டன் சரக்குகளைக் கையாண்டு சாதனை படைத்துள்ளது. நிகழாண்டில் சரக்குகளைக் கையாள்வதில் 13.25 சதவீதம் வளா்ச்சியை எட்டியுள்ளது. இது கடந்த ஆண்டைவிட இரு மடங்கு ஆகும்’ என்றாா் அவா்.
