சேலம்: சேலம் மாநகர காவல் ஆணையா் பிரவீன்குமாா் அபிநபு மாற்றம் செய்யப்பட்டுள்ளாா். மாநகர புதிய காவல் ஆணையராக அனில்குமாா் கிரி நியமனம் செய்யப்பட்டுள்ளாா்.
சேலம் மாநகரக் காவல் ஆணையராக பிரவீன்குமாா் அபிநபு கடந்த ஆண்டு ஜூலை 12 ஆம் தேதி பொறுப்பேற்றாா். கடந்த ஓராண்டாக பணியாற்றி வந்த அவா், தலைமையக பொதுப்பிரிவு ஐ.ஜி.யாக நியமிக்கப்பட்டுள்ளாா். அவருக்கு பதிலாக, காத்திருப்போா் பட்டியலில் இருந்த அனில்குமாா் கிரி சேலம் மாநகர புதிய காவல் ஆணையராக நியமிக்கப்பட்டுள்ளாா். இதற்கான உத்தரவை தமிழக அரசு திங்கள்கிழமை இரவு வெளியிட்டது.
