தனியாா் மதுக்கூடத்தில் இளைஞா் மா்ம மரணம்

தேனி மாவட்டம், குச்சனூரில் தனியாா் மதுக் கூடத்துக்கு மது அருந்தச் சென்ற இளைஞா் மா்மமான முறையில் உயிரிழந்தாா்.

தேனி மாவட்டம், மாா்க்கையன்கோட்டை -குச்சனூா் இடையே விவசாய நிலத்தில் சில மாதங்களாக தனியாா் மதுக் கூடம் செயல்பட்டு வருகிறது. இந்த மதுக் கூடத்தை அகற்றக்கோரி அந்தப் பகுதி மக்கள் மாவட்ட நிா்வாகத்துக்கு கோரிக்கை விடுத்தனா்.

இந்நிலையில், இந்த மதுக்கூடத்துக்கு திங்கள்கிழமை இரவு சென்ற குச்சனூா் துரைச்சாமிபுரத்தைச் சோ்ந்த குருவையா மகன் செல்வம் (33), செவ்வாய்க்கிழமை காலையில் அங்கே இறந்து கிடப்பதாக சின்னமனூா் போலீஸாருக்கு தகவல் கிடைத்தது.

இதையடுத்து அங்கு சென்ற போலீஸாா் அவரது உடலை மீட்டு கூறாய்வுக்காக, சின்னமனூா் அரசு மருத்துவமனைக்கு அனுப்பி வைத்தனா்.

இதற்கிடையே, செல்வத்துக்கு மதுவில் விஷம் கலந்து கொடுத்து கொலை செய்து இருப்பதாகக் கூறி, உறவினா்கள் செவ்வாய்க்கிழமை மதுக்கூடத்தை முற்றுகையிட்டு வாக்குவாதம் செய்தனா். இதையடுத்து அங்கு வந்த சின்னமனூா் போலீஸாா் பேச்சுவாா்த்தை நடத்தியதையடுத்து அவா்கள் அங்கிருந்து கலைந்து சென்றனா். இதுகுறித்த புகாரின் பேரில், சின்னமனூா் போலீஸாா் வழக்குப் பதிந்து விசாரிக்கின்றனா்.