பங்குச்சந்தை, மியூச்சுவல் ஃபண்டை விட, மக்கள் தங்கம், ரியல் எஸ்டேட்டை நம்புவது ஏன...
நெய்வேலி: கடலூா் மாவட்டம், ஸ்ரீமுஷ்ணம் அருகே நடைபெற்ற திருட்டு வழக்கில் தொடா்புடைய இருவருக்கு தலா 5 ஆண்டுகள் சிறை தண்டனை விதித்து விருத்தாசலம் குற்றவியல் நீதிமன்றம் புதன்கிழமை தீா்ப்பளித்தது.
ஸ்ரீமுஷ்ணம், வாலிஸ்பேட்டை பிரதான சாலையைச் சோ்ந்த சின்னப்பராஜ் வீட்டில் கடந்த 23.9.2020 அன்று நாற்பத்து ஒன்பதே கால் பவுன் தங்க நகைகளை மா்ம நபா்கள் திருடிச் சென்றனா்.
இது தொடா்பாக ஸ்ரீமுஷ்ணம் போலீஸாா் வழக்குப் பதிந்து விசாரணை நடத்தி, திட்டக்குடி வட்டம், ரெட்டாகுறிச்சி பகுதியைச் சோ்ந்த சஜீவ் (35), வடலூரை அடுத்துள்ள கருங்குழி கிராமத்தைச் சோ்ந்த செந்தில்குமாா் (24) ஆகியோரை கைது செய்து சிறையில் அடைத்தனா்.
இந்த வழக்கு விருத்தாசலம் குற்றவியல் நீதிமன்றத்தில் நடைபெற்ற வந்தது. விசாரணை நிறைவடைந்த நிலையில், நீதிமன்ற நடுவா் அன்பழகன் புதன்கிழமை தீா்ப்பளித்தாா். அதில், சஜீவ், செந்தில்குமாா் ஆகியோருக்கு இரண்டு பிரிவுகளின் கீழ் தலா 5 ஆண்டுகள் சிறை தண்டனையும், ரூ.15 ஆயிரம் அபராதமும் விதித்து உத்தரவிட்டாா். இந்த வழக்கில் அரசுத் தரப்பில் வழக்குரைஞா் தனலட்சுமி ஆஜரானாா்.
