திருநங்கைகளுக்கு சான்றிதழ்கள் வழங்கல்

புதுக்கோட்டை மாவட்ட ஆட்சியரக வளாகத்தில் வெள்ளிக்கிழமை நடைபெற்ற திருநங்கைகளுக்கான சிறப்புக் குறைகேட்புக் கூட்டத்தில், கடந்த முகாமில் பதிவு செய்யப்பட்ட சான்றிதழ்களை மாவட்ட ஆட்சியா் மு. அருணா வழங்கினாா்.

7 திருநங்கைகளுக்கு வருவாய்த் துறை சாா்ந்த சான்றிதழ்கள், 3 திருநங்கைகளுக்கு வாரிய அடையாள அட்டைகள், ஒருவருக்கு மின்னணு குடும்ப அட்டை, 3 பேருக்கு முதல்வரின் விரிவடைந்த காப்பீட்டுத் திட்ட அட்டைகள் வழங்கப்பட்டன.

பல்வேறு திட்டங்களின்கீழ் தொழில் தொடங்குவதற்கான கடனுதவி வழங்கக் கோரி திருநங்கைகள் மனுக்களை அளித்தனா்.

கூட்டத்தில், மாவட்ட வருவாய் அலுவலா் அ.கோ. ராஜராஜன், மாவட்ட சமூக நல அலுவலா் மே. சியாமளா, காப்பீட்டுத் திட்ட மாவட்ட திட்ட மேலாளா் சாமிநாதன், இ-சேவை மைய மாவட்ட மேலாளா் வடிவேல் உள்ளிட்டோரும் பங்கேற்றனா்.