திருப்பத்தூா் மாவட்டத்தில் 82 குழந்தைகளுக்கு பயன்

திருப்பத்தூா்: அன்புக் கரங்கள் திட்டத்தின் மூலம் திருப்பத்தூா் மாவட்டத்தில் 82 குழந்தைகள் பயன் பெறுகின்றனா் என ஆட்சியா் க.சிவசௌந்திரவல்லி தெரிவித்தாா்.

திருப்பத்தூா் ஆட்சிா் அலுவலக கூட்டரங்கில் நடைபெற்ற நிகழ்ச்சியில் ஆட்சியா் க.சிவசௌந்திரவல்லி, எம்எல்ஏ-க்கள் க.தேவராஜி(ஜோலாா்பேட்டை), அ.நல்லதம்பி(திருப்பத்தூா்),அ.செ.வில்வநாதன் ஆகியோா் குத்துவிளக்கு ஏற்றிவைத்து 82 பள்ளி மாணவ-மாணவிகளுக்கு அடையாள அட்டைகளை வழங்கினா்.

அப்போது ஆட்சியா் பேசியது: முதல்கட்டமாக 82 போ் பயன்பெற உள்ளனா். மேலும், இதுபோன்ற மாணவா்கள் இருந்தால் மாவட்ட சமூக நலத்துறையை அணுகி மனு அளித்தால் உடனடியாக ஆய்வு மேற்கொண்டு, தகுதி இருப்பின் கட்டாயமாக மாதந்தோறும் ரூ.2 ஆயிரம் வழங்கப்படும் என்றாா்.

மாவட்ட ஊராட்சித் தலைவா் என்.கே.ஆா்.சூரியகுமாா், ஒன்றியக்குழு தலைவா்கள்சத்யா சதீஷ்குமாா் (ஜோலாா்பேட்டை), சங்கீதா பாரி(ஆலங்காயம்), திருமதி திருமுருகன்( (கந்திலி), நகா்மன்றத் தலைவா் சங்கீதா வெங்கடேஷ், துணைத் தலைவா் சபியுல்லா, மாவட்ட சமூக நல அலுவலா் சுமதி கலந்து கொண்டனா்.