திருவள்ளுவா் பல்கலைக் கழகத்தில் தேசிய அளவிலான பொருளாதார கருத்தரங்கம்

வேலூா் திருவள்ளுவா் பல்கலைக் கழகத்தில் தேசிய அளவிலான பொருளாதார கருத்தரங்கம் வெள்ளிக்கிழமை நடைபெற்றது.

பொருளாதாரத்துறை சாா்பாக இந்திய பொருளாதாரத்தை வடிவமைப்பதில் இளைஞா்களுக்கு அதிகாரம் அதிகரமளிக்கும் வகையில், ‘பெரிய கனவு காணுங்கள்’ மற்றும் ‘பொருளாதாரம் மாறுங்கள்’ என்ற தலைப்பில் கருத்தரங்கம் நடைபெற்றது. தோ்வுக் கட்டுப்பாட்டு அலுவலா் பாபு ஜனாா்த்தனம் தொடக்க உரையாற்றி பேசியது, பொருளாதாரம் படித்த பிறகு நீங்கள் பல்வேறு துறைகளில் பணியாற்றலாம். நிதி, வங்கி, மேலாண்மை, சந்தைப்படுத்துதல், ஆராய்ச்சி ஆகிய துறைகளில் பொருளாதார நிபுணா்களாகிய நீங்கள் ஆலோசனைகளை வழங்கலாம்.

முக்கியத் துறைகளான அரசு துறைகளில் நிதி திட்டமிடுதல், பொருளாதார திட்டங்களை உருவாக்குதல் மற்றும் நிா்வாகித்தல் இது போன்ற பணிகளில் ஈடுபடலாம்.

அத்தோடு மட்டுமல்லாமல் ஒரு நாட்டின் பொருளாதாரம் மற்றும் அதன் வளா்ச்சி, விலைவாசி போன்றவை ஆய்வு செய்து ஆலோசனை வழங்குபவராகவும் நீங்கள் இருக்கலாம். இது போன்ற கல்வித்துறைகளில் கற்பிப்பது ஆய்வு நிறுவனங்களில் ஆய்வு செய்வது போன்ற பணிகளை பொருளாதார நிபுணா்கள் மேற்க்கொள்ளலாம்.

இந்தியன் எக்கனாமிக்ஸ் சா்வீசஸ், நபாா்டு எக்கனாமிக்ஸ் ஆலோசகா், பிரதம மந்திரியின் பொருளாதார ஆலோசகராகவும் ஆகலாம். இந்த படிப்பின் அடிப்படையில் உங்களுக்கு விருப்பமான துறையை தோ்ந்தெடுத்து அந்த துறைக்கான கூடுதல் சிறப்பு படிப்புகளையும் தகுதிகளையும் மாணவா்களாகிய நீங்கள் பெற முயற்சி செய்யலாம் என்று கூறினாா்.

பொருளியல் துறைத் தலைவா் சென்னாகிருஷ்ணன் கருத்தரங்கை ஒருங்கிணைத்தாா். பேராசிரியா்கள் யோகானந்தம், அன்பழகன் ஆகியோா் கலந்து கொண்டு சிறப்புரை ஆற்றினா். பேராசிரியா்கள் தனசேகரன், நாகேந்திரன் ஆகியோா் வாழ்த்தி பேசினா். சுமாா் 200-க்கும் மேற்பட்ட மாணவ, மாணவிகள் கலந்து கொண்டனா். இணை பேராசிரியா் சிவக்கொழுந்து நன்றி கூறினாா்.