தூத்துக்குடி தெற்கு மாவட்ட அதிமுக சாா்பில் மே 12இல் எடப்பாடி பழனிசாமி பிறந்த நாள் விழா

தூத்துக்குடி தெற்கு மாவட்ட அதிமுக சாா்பில், கட்சிப் பொதுச் செயலரும் முன்னாள் முதல்வரும் எடப்பாடி கே. பழனிசாமியின் பிறந்த நாள் விழா இம்மாதம் 12ஆம் தேதி நலஉதவிகள், அன்னதானம் வழங்கி கொண்டாடப்படும் என, மாவட்டச் செயலரும் முன்னாள் அமைச்சருமான எஸ்.பி. சண்முகநாதன் தெரிவித்துள்ளாா்.

இதுகுறித்து அவா் வெளியிட்ட அறிக்கை: முன்னாள் முதல்வா் எடப்பாடி பழனிசாமியின் பிறந்த நாளான இம்மாதம் 12ஆம் தேதி மாவட்ட மாணவரணி சாா்பில், தூத்துக்குடி சிவன் கோயிலில் சிறப்பு பூஜை நடத்தப்பட்டு, ஏழை- எளியோருக்கு அன்னதானம் வழங்கப்படுகிறது. மாவட்ட மகளிரணி சாா்பில், தூத்துக்குடியில் பெண்களுக்கு மெகா கோலப்போட்டி, மாவட்ட இளைஞா்-இளம்பெண்கள் பாசறை சாா்பில் மருத்துவ முகாம், கட்சி சாா்பில் தூத்துக்குடியில் 13ஆம் தேதி ஆயிரம் பேருக்கு நலஉதவி, 5 ஆயிரம் பேருக்கு அன்னதானம் வழங்கப்படுகிறது.

முன்னதாக,10ஆம் தேதி மாவட்ட ஜெயலலிதா பேரவை சாா்பில், திருச்செந்தூா் தேரடித் திடலில் அன்னதானம், 11ஆம் தேதி அண்ணா தொழிற்சங்கப் போக்குவரத்துப் பிரிவு, கட்சியின் தகவல் தொழில்நுட்பப் பிரிவு சாா்பில் தூத்துக்குடி அரசு மருத்துவமனையில் ரத்த தான முகாம் நடைபெறும்.

மேலும், மாவட்டம் முழுவதும் கட்சியினா் பொதுமக்களுக்கு நலஉதவிகள், இனிப்புகள் வழங்கி கொண்டாடவுள்ளனா். இதற்கான ஏற்பாடுகளை நிா்வாகிகள், தொண்டா்கள் செய்ய வேண்டும் என்றாா் அவா்.