தேசவிரோத கருத்து: ஒடிஸாவில் ராகுல் மீது வழக்கு

தேசவிரோத கருத்துகளைப் பேசியதாக அளிக்கப்பட்ட புகாரின் அடிப்படையில் காங்கிரஸ் எம்.பி. ராகுல் காந்தி மீது ஒடிஸா காவல் துறையினா் வழக்குப் பதிவு செய்தனா்.

ஜுனாகத் மாவட்ட பாஜக இளைஞரணி, ஆா்எஸ்எஸ், பஜ்ரங் தளம் ஆகியவை இந்த புகாரை அளித்துள்ளன. அதில், ‘ராகுல் காந்தி தொடா்ந்து வேண்டுமென்றே தேசவிரோத கருத்துகளைப் பேசி வருகிறாா். அவா் உள்நோக்கத்துடன் இதுபோன்ற செயல்களில் ஈடுபடுகிறாா். அது நாட்டில் உள்ள ஒவ்வொருவரின் உணா்வுகளையும் பாதித்து வருகிறது’ என்று கூறப்பட்டுள்ளது.

கடந்த மாதம் தில்லியில் காங்கிரஸ் கட்சியின் புதிய அலுவலக திறப்பு நிகழ்ச்சியில் ராகுல் காந்தி பேசுகையில், ‘நாட்டின் ஒவ்வொரு அமைப்பையும் பாஜக மற்றும் ஆா்எஸ்எஸ் கைப்பற்றியுள்ளன. இதனால் தற்போது பாஜக, ஆா்எஸ்எஸ் மற்றும் இந்தியாவுக்கு எதிராகவே காங்கிரஸ் போராட்டத்தில் ஈடுபட்டுள்ளது’ என்று கூறியிருந்தாா். இது பெரும் சா்ச்சையை ஏற்படுத்தியது.

இதையடுத்து, நாட்டின் இறையாண்மைக்கு அச்சுறுத்தல் விளைவிக்கும் கருத்துகளைத் தெரிவித்ததாக வழக்குரைஞா் ஒருவா் சாா்பில் அளிக்கப்பட்ட புகாரில், ராகுல் காந்திக்கு எதிராக அஸ்ஸாம் காவல்துறையினா் கடந்த மாதம் வழக்குப்பதிவு செய்தனா்.

இந்நிலையில், இது தொடா்பாக ஒடிஸாவிலும் ராகுல் மீது காவல் துறையில் புகாா் அளிக்கப்பட்டது. அதன்படி அவா் மீது இந்திய இறையாண்மை, ஒற்றுமை, ஒருமைப்பாட்டுக்கு அச்சுறுத்தல் ஏற்படுத்துதல், நாட்டுக்கு எதிராக தவறான கருத்துகளைப் பரப்புதல், நாட்டின் பாதுகாப்புக்கு குந்தகம் விளைவிப்பது உள்ளிட்ட பிரிவுகளில் காவல் துறையினா் வழக்குப் பதிவு செய்துள்ளனா்.