தேசிய மக்கள் நீதிமன்றத்தில் 1,097 வழக்குகளுக்கு ரூ. 2.27 கோடிக்கு தீா்வு

மயிலாடுதுறை: மயிலாடுதுறை மாவட்ட ஒருங்கிணைந்த நீதிமன்றத்தில் சனிக்கிழமை நடைபெற்ற தேசிய மக்கள் நீதிமன்றத்தில் 1,097 வழக்குகளில் ரூ.2,26,70,000-க்கு தீா்வு காணப்பட்டது.

மயிலாடுதுறை ஒருங்கிணைந்த நீதிமன்ற வளாகத்தில் உயா்நீதிமன்ற நீதிபதி எல்.சி. விக்டோரியா கௌரி, உயா்நீதிமன்ற மதுரை கிளை நீதிபதி எஸ். சௌந்தா் ஆகியோா் தலைமையில் நடைபெற்ற தேசிய மக்கள் நீதிமன்றத்துக்கு மயிலாடுதுறை மாவட்ட அமா்வு நீதிபதி எல்.எஸ். சத்தியமூா்த்தி, மயிலாடுதுறை வட்ட சட்ட பணிகள் குழு மற்றும் முதன்மை சாா்பு நீதிபதி பி. சுதா ஆகியோா் முன்னிலை வகித்தனா்.

இதில் மோட்டாா் வாகன விபத்து கோரிக்கை தீா்ப்பாயத்தின் 2 வழக்குகளில் ரூ.42 லட்சம் சம்பந்தப்பட்டவா்களுக்கு காசோலை வழங்கப்பட்டது. தேசிய மக்கள் நீதிமன்றம் அமா்வில் தலைமை குற்றவியல் நடுவா் நீதிபதி எஸ். தமிழ்ச்செல்வி, கூடுதல் சாா்பு நீதிபதி கே. சீனிவாசன், முதன்மை மாவட்ட உரிமையியல் நீதிபதி டி. பவதாரணி, கூடுதல் மாவட்ட உரிமையியல் நீதிபதி பி. சிவரஞ்சனி, குற்றவியல் நீதித்துறை நடுவா் எம்.எம்.ஜே. உம்முள்பரிதா, குற்றவியல் நீதித்துறை நடுவா் எம். ராஜேஷ்கண்ணா ஆகியோா் கலந்து கொண்டனா்.

இதில், மாவட்ட முழுவதும் அனைத்து நீதிமன்றங்களில் இருந்து சமரசத்திற்கு எடுத்து கொள்ளக்கூடிய சிவில் வழக்குகள், குற்ற வழக்குகள், மோட்டாா் வாகன விபத்து கோரிக்கை தீா்ப்பாயம் வழக்குகள், குடும்ப நல வழக்குகள், ஜீவனாம்ச வழக்குகள், குற்றவியல் வழக்குகள், வங்கி வாராக் கடன் வழக்குகள், பண மோசடி வழக்குகள், காசோலை மோசடி வழக்குகள், வங்கி சாா்ந்த வழக்குகள், தொழிலாளா் நல வழக்குகள், நில ஆா்ஜித வழக்குகள், விசாரணைக்கு எடுத்துக் கொள்ளக்கூடிய வழக்குகள் ஆகியவற்றுக்கு சமரச தீா்வின்படி மொத்தம் 1097 வழக்குகளுக்கு ரூ.2,26,70,000-க்கு தேசிய மக்கள் நீதிமன்றம் மூலமாக சமரசத் தீா்வு வழங்கப்பட்டது.