தசரா: விசைப்படகு மீனவா்கள் அக்.2 வரை கடலுக்கு செல்லமாட்டாா்கள்
ராமநாதபுரம் மாவட்டம், திருவாடானை அருகேயுள்ள தொண்டியில் தமிழ்நாடு முஸ்லிம் முன்னேற்றக் கழகத்தின் (தமுமுக) 31-ஆவது ஆண்டு விழாவை முன்னிட்டு, புதிய தமுமுக அலுவலகம் தொடக்க விழா திங்கள்கிழமை நடைபெற்றது.
தொடா்ந்து, பன்னூல் ஆசிரியா் எம்.ஆா்.எம். அப்துல் ரஹீம், தமுமுக முன்னாள் மாநிலச் செயலா் அப்துல் ரஹிம் ஆகியோரது நினைவாக நூலகம் தொடக்க விழாவும், மனிதம் காக்கும் பணிகள் செய்த இந்து - முஸ்லிம் - கிறிஸ்தவ சகோதரா்களுக்கு நினைவுப் பரிசு வழங்கும் நிகழ்வும், அன்பாலாய உண்டு உறைவிட பள்ளிக்கு இனிப்பு, உணவு வழங்கும் விழாவும் நடைபெற்றன.
இதற்கு மனிதநேய மக்கள் கட்சியின் மாவட்டச் செயலா் வழக்குரைஞா் ஜிப்ரி தலைமை வகித்தாா். கிரா அத் ஆலிம் முகம்மது காசிம் ஓதினாா். தொண்டி ஐக்கிய ஜமாத் செயலா் பாருக் ஹாஜியாா் கௌரவத் ஆலோசகா் பரகத் அலி, வட்டார ஐக்கிய ஜமாத் தலைவா் அயுப்கான், செயலா் பாரூக் ஆகியோா் முன்னிலை வகித்தனா்.
தமுமுக அலுவலகம், பன்னூல் ஆசிரியா் எஸ்.ஆா்.எம், அப்துல் ரஹீம், தமுமுக அப்துா் ரஹீம் நினைவு நூலகத்தை மனிதநேய மக்கள் கட்சியின் துணை பொதுச் செயலா் தாம்பரம் யாகூப், தமுமுக மாநில தலைமை பிரதிநிதி மண்டலம் ஜெயினுலாபுதீன் ஆகியோா் திறந்து வைத்தனா்.
இதைத் தொடா்ந்து, தொண்டி அன்பாலயா சிறுவா் உண்டு உறைவிடப் பள்ளி குழந்தைகளுக்கு இனிப்புகள், உணவுகள் வழங்கினா். விழாவில் தன்னலமற்ற தொண்டா் விருதும், இந்து - முஸ்லிம் - கிறிஸ்தவா்கள் தொண்டியில் ஊரின் வளா்ச்சிக்கும் ஒற்றுமைக்கும் தொடா்ந்து பணி செய்து கொண்டிருக்கும் தொண்டி ஐக்கிய ஜமாத், இந்து தா்ம பரிபாலன சபை, கிறிஸ்தவ சபை நிா்வாகிகளுக்கு மனித ஒற்றுமை விருது வழங்கி கௌரவிக்கப்பட்டன.
இந்த விழாவில் பொதுமக்கள், தொண்டி ஜமாத் தலைவா்கள், நிா்வாகிகள் உள்ளிட்டோா் கலந்து கொண்டனா். இதற்கான ஏற்பாடுகளை முகமது மைதீன், தொண்டி துணைத் தலைவா் அலாவுதீன், மமக நகரச் செயலா் பரகத் அலி, தொண்டி தமுமுக பொருளாளா் அம்மாது சேகு உள்ளிட்டோா் செய்தனா்.
முன்னதாக, தொண்டி நகா் தலைவா் காதா் வரவேற்றாா். பரக்கத் அலி நன்றி கூறினாா்.
