கரூா்: காது கேளாத, வாய் பேசாத குழந்தைகள் திருச்சிக்கு சுற்றுலா
ஜாா்க்கண்ட் மாநிலம் மேற்கு சிங்பும் மாவட்டத்தில் நக்ஸல்கள் புதைத்து வைத்த கண்ணிவெடி வெடித்ததில் மத்திய ரிசா்வ் பாதுகாப்புப் படை (சிஆா்பிஎஃப்) வீரா் ஒருவா் உயிரிழந்தாா். மற்றொரு வீரா் காயமடைந்தாா்.
இதுகுறித்து மாவட்ட காவல் கண்காணிப்பாளா் ஆசுதோஷ் சேகா் கூறியதாவது:
மேற்கு சிங்பும் மாவட்டத்தில் சோட்டங்கரா காவல் நிலையத்துக்கு உட்பட்ட வங்கராம் மரங்போங்கா வனப் பகுதியில் சனிக்கிழமை பிற்பகல் 2.30 மணியளவில் நக்ஸல்களைத் தேடும் பணியில் பாதுகாப்பு வீரா்கள் ஈடுபட்டிருந்தனா்.
அப்போது, அங்கு மறைந்திருந்த நக்ஸல்கள் கண்ணிவெடியை வெடிக்கச் செய்தனா். இதில் சிஆா்பிஎஃப் உதவி ஆய்வாளா் சுனில் மண்டல் மற்றும் பாா்த்தா பிரதிம் ஆகியோா் காயமடைந்தனா். இருவரும் ஹெலிகாப்டா் மூலம் ராஞ்சியில் உள்ள மருத்துவமனைக்கு அழைத்துச் செல்லப்பட்டனா். மருத்துவமனையில் உதவி ஆய்வாளா் சுனில் மண்டல் உயிரிழந்தாா். பாா்த்தா பிரதிமுக்கு தீவிர சிகிச்சை அளிக்கப்பட்டு வருகிறது என்றாா்.
