‘நலம் காக்கும் ஸ்டாலின்’ முகாம்கள் மூலம் 2,196 போ் பயன்: அமைச்சா் பி. மூா்த்தி
Admin
- 8 hours ago
மதுரையில் இரு இடங்களில் நடத்தப்பட்ட ‘நலம் காக்கும் ஸ்டாலின்’ திட்ட மருத்துவ முகாம்கள் மூலம் 2,196 போ் பயனடைந்ததாக தமிழக வணிக வரி, பதிவுத் துறை அமைச்சா் பி. மூா்த்தி தெரிவித்தாா்.
மதுரை மாவட்டம், அலங்காநல்லூா் பேருராட்சியில் தாய் மேல்நிலைப் பள்ளியில் சனிக்கிழமை நடைபெற்ற ‘நலம் காக்கும் ஸ்டாலின்’ பல்நோக்கு சிறப்பு மருத்துவ முகாமைத் தொடங்கிவைத்து அவா் பேசியதாவது:
நலம் காக்கும் ஸ்டாலின் திட்டத்தின் கீழ், ஒரு வட்டாரத்துக்கு 3 பல்நோக்கு சிறப்பு மருத்துவ முகாம்கள் வீதம், 39 மருத்துவ முகாம்களும், மாநகராட்சிப் பகுதியில் 5 முகாம்களும் நடத்தத் திட்டமிடப்பட்டுள்ளது.
இந்த முகாம்களில் பொது, கண், இருதய மருத்துவம் உள்பட 17 மருத்துத் துறைகளைச் சோ்ந்த மருத்துவ நிபுணா்கள் பங்கேற்று, பரிசோதனை, சிகிச்சைகளை அளிக்கின்றனா்.
ஆக. 2-ஆம் தேதி ஒத்தக்கடை மேல்நிலைப் பள்ளியிலும், ஆக. 9-ஆம் தேதி வண்டியூா் தாகூா் வித்யாலய மேல்நிலைப் பள்ளியிலும் இந்தத் திட்ட மருத்துவ முகாம்கள் நடத்தப்பட்டன. இதில் 2,196 போ் பங்கேற்று, மருத்துவப் பரிசோதனைகள் செய்து, சிகிச்சை பெற்றனா்.
பொதுமக்களின் ஆரோக்கிய வாழ்வியலை நோக்கமாகக் கொண்டு நடத்தப்படும் இந்த சிறப்பு மருத்துவ முகாம்களை பொதுமக்கள் சிறந்த வகையில் பயன்படுத்திக் கொள்ள வேண்டும் என்றாா் அவா்.
மாவட்ட ஆட்சியா் கே.ஜே. பிரவீன்குமாா், சோழவந்தான் தொகுதி சட்டப்பேரவை உறுப்பினா் ஆ. வெங்கடேசன், மருத்துவத் துறை இணை இயக்குநா் மருத்துவா் செல்வராஜ், துணை இயக்குநா் மருத்துவா் குமரகுருபரன் உள்ளிட்டோா் கலந்து கொண்டனா்.
முகாமில், ரத்த அழுத்தம், நீரிழிவு நோய், இருதயம், சிறுநீரகப் பரிசோதனை உள்பட பல்வேறு வகையான பரிசோதனைகள் மேற்கொள்ளப்பட்டன. பல்வேறு துறை மருத்துவ நிபுணா்கள் பங்கேற்று பொதுமக்களுக்கு மருத்துவ ஆலோசனை வழங்கினா். கிகிச்சை தேவைப்பட்டோருக்கு சிகிச்சை அளிக்கப்பட்டது.
