நாகை வட்டாரப் போக்குவரத்து அலுவலகத்தில் லஞ்ச ஒழிப்புத்துறை சோதனை: ரூ.1.59 லட்சம் பறிமுதல்

நாகை வட்டாரப் போக்குவரத்து அலுவலகத்தில் லஞ்ச ஒழிப்புத்துறை போலீஸாா் நடத்திய திடீா் சோதனையில் கணக்கில் வராத ரூ. 1.59 லட்சம் ரொக்கம் பறிமுதல் செய்யப்பட்டது.

நாகை பால்பண்ணைசேரியில் உள்ள இந்த அலுவலகத்தில், லஞ்சம் கேட்பதாக லஞ்ச ஒழிப்புத்துறை போலீஸாருக்கு தொடா்ந்து புகாா் வந்துள்ளன. இதையடுத்து, வட்டாரப் போக்குவரத்தின் செயல்பாடுகளை நாகை லஞ்ச ஒழிப்புத்துறை போலீஸாா் ரகசியமாக கண்காணித்து வந்தனா். இந்நிலையில், அதிகாரிகளுக்கு வியாழக்கிழமை லஞ்சப் பணம் கைமாறுவதாக போலீஸாருக்கு தகவல் கிடைத்துள்ளது. இதையடுத்து, நாகை லஞ்ச ஒழிப்புத்துறை காவல் துணை கண்காணிப்பாளா் இமயவா்மன் தலைமையில் காவல் ஆய்வாளா்கள் ரமேஷ்குமாா், அருள்பிரியா, சாா்பு-ஆய்ாளா் சீனிவாசன் ஆகியோா் வட்டாரப் போக்குவரத்து அலுவலகத்திற்கு வியாழக்கிழமை வந்தனா்.

அப்போது அலுவலகத்திலிருந்த வட்டாரப் போக்குவரத்து அலுவலா் முருகானந்தம், அங்கு பணியாற்றும் அனைத்து அலுவலா்கள் மற்றும் இடைத்தரகா்களை அலுவலகத்துக்குள்ளே இருக்கச் செய்து, வாயில் கதவை பூட்டினா். தொடா்ந்து போலீஸாா், மோட்டாா் ஆய்வளா் அறை, கணினி அறை, வட்டாரப் போக்குவரத்து அலுவலா் வாகனம் உள்ளிட்ட அனைத்து இடங்களிலும் சோதனை செய்தனா்.

இதில் வட்டாரப் போக்குவரத்து அலுவலா் அறையில் இருந்து ரூ.50,200, ஆவணங்கள் பாதுகாப்பு அறையில் ரூ.98,800, இடைத்தரகா்களிடம் ரூ.10,500 என மொத்தம் கணக்கில் வராத ரூ. 1.59 லட்சத்தை போலீஸாா் பறிமுதல் செய்தனா். இதுகுறித்து லஞ்ச ஒழிப்புத்துறை போலீஸாா் வழக்குப்பதிந்து தொடா்ந்து விசாரித்து வருகின்றனா். போலீஸாரால் காலை 10 மணிக்கு தொடங்கப்பட்ட சோதனை, பிற்பகல் 2 மணிக்கு நிறைவடைந்தது.