நாளை ‘நீட்’ தோ்வு: வழிகாட்டுதல்கள் வெளியீடு

இளநிலை மருத்துவப் படிப்புகளுக்கான ‘நீட்’ தோ்வு ஞாயிற்றுக்கிழமை (மே 4) நடைபெறவுள்ள நிலையில், தோ்வு மையங்களில் பின்பற்ற வேண்டிய வழிகாட்டுதல்கள் ‘ஹால் டிக்கெட்’டில் (தோ்வுக் கூட அனுமதிச் சீட்டு) குறிப்பிடப்பட்டுள்ளன. மாணவா்கள் அதனை முறையாக கடைப்பிடிக்க வேண்டும் என்றும் அறிவுறுத்தப்பட்டுள்ளது.

நாடு முழுவதும் அரசு மற்றும் தனியாா் மருத்துவக் கல்லூரிகளில் உள்ள எம்பிபிஎஸ், பிடிஎஸ் படிப்புகள் மற்றும் சித்தா, ஆயுா்வேதா, யுனானி, ஹோமியோபதி படிப்புகள் மற்றும் கால்நடை மருத்துவப் படிப்பின் அகில இந்திய ஒதுக்கீட்டு இடங்களுக்கு ‘நீட்’ தோ்வு மூலம் மாணவா் சோ்க்கை நடத்தப்படுகிறது. அதேபோன்று, ராணுவ கல்லூரிகளில் பிஎஸ்சி நா்சிங் படிப்புக்கு ‘நீட்’ தோ்வு கட்டாயமாக்கப்பட்டுள்ளது. ‘நீட்’ தோ்வை தேசிய தோ்வுகள் முகமை (என்டிஏ) ஆண்டு தோறும் நடத்தி வருகிறது.

2025-26-ஆம் கல்வியாண்டுக்கான ‘நீட்’ தோ்வு வரும் ஞாயிற்றுக்கிழமை (மே 4) மதியம் 2 மணி முதல் 5.20 மணி வரை நாடு முழுவதும் நடைபெறவுள்ளது. தோ்வுக்கு சுமாா் 22 லட்சம் போ் விண்ணப்பித்துள்ளதாகக் கூறப்படுகிறது.

13 மொழிகளில் தோ்வு: தமிழகத்தை பொருத்தவரை 1.5 லட்சம் போ் விண்ணப்பப் பதிவு செய்துள்ளனா். தமிழகத்தில் சென்னை, மதுரை, திருச்சி உள்பட 31 மாவட்டங்களில் தோ்வு நடைபெறுகிறது. சென்னையில் மட்டும் 44 மையங்களில் 21,960 போ் தோ்வு எழுதவுள்ளனா். ‘நீட்’ தோ்வு தமிழ், ஆங்கிலம், ஹிந்தி, குஜராத்தி உள்பட 13 மொழிகளில் மொத்தம் 720 மதிப்பெண்களுக்கு நடத்தப்படும்.

இந்நிலையில், தோ்வு மையத்தில் பின்பற்ற வேண்டிய நடைமுறைகள் ஹால்டிக்கெட்டில் தெளிவாகக் குறிப்பிடப்பட்டுள்ளன. அதன்படி தோ்வு மையத்துக்குள் செல்ல காலை 11.30 மணி முதல் மாணவா்களுக்கு அனுமதி அளிக்கப்படும். தோ்வா்கள் மையத்துக்குள் மதியம் 1.30 மணிக்குள் வந்துவிட வேண்டும். அதன்பிறகு வருவோருக்கு அனுமதி கிடையாது எனத் தெரிவிக்கப்பட்டுள்ளது.

இதுதவிர தோ்வுக்கு ஹால்டிக்கெட் மற்றும் அரசால் அங்கீகரிக்கப்பட்ட அடையாள அட்டையை கட்டாயம் கொண்டுவர வேண்டும். தண்ணீா் பாட்டில்களைப் பொருத்தவரை உள்ளே இருப்பது வெளியே தெரியும் வகையில் எந்த விதமான நிறப்பூச்சும் இல்லாத பாட்டில்களை கொண்டு செல்லலாம். மேலும், ஹால்டிக்கெட்டில் கேட்கப்பட்டுள்ள விவரங்களை முழுமையாக பூா்த்தி செய்து தோ்வு முடிந்ததும் அறை கண்காணிப்பாளரிடம் ஒப்படைக்க வேண்டும். இல்லையெனில், அந்த மாணவரின் விடைத்தாள் திருத்தப்படாது.

ஜடை போடக்கூடாது: தோ்வறைக்குள் கைப்பேசி, கடிகாரம் உள்ளிட்ட மின்னணு சாதனங்கள் கொண்டு செல்ல அனுமதியில்லை. முழுக்கை சட்டை, பெல்ட், தோடு, மூக்குத்தி ஆகியவை அணியக்கூடாது. தலைமுடியில் ஜடை பின்னல் போடக்கூடாது போன்ற பல கட்டுப்பாடுகள் விதிக்கப்பட்டுள்ளன. தவறான விடைக்கு நெகட்டிவ் மதிப்பெண் இருப்பதால், தோ்வின் போது கூடுதல் கவனத்துடன் செயல்பட வேண்டும். இதுகுறித்த கூடுதல் தகவல்களை ட்ற்ற்ல்://ய்ங்ங்ற்.ய்ற்ஹ.ய்ண்ஸ்ரீ.ண்ய் என்ற இணையதளத்தில் மாணவா்கள் அறிந்து கொள்ளலாம் என்று என்டிஏ அதிகாரிகள் தெரிவித்தனா்.

தமிழகத்தில் தேனி, பெரம்பலூா், தென்காசி, ராணிப்பேட்டை, கள்ளக்குறிச்சி, மயிலாடுதுறை, திருப்பத்தூா் ஆகிய 7 மாவட்டங்களில் முந்தைய ஆண்டுகளைப் போலவே நிகழாண்டிலும் தோ்வு மையங்கள் இல்லை. அங்குள்ள மாணவா்களுக்கு அருகேயுள்ள நகரங்களில் தோ்வு மையங்கள் ஒதுக்கப்பட்டுள்ளன.