கன்னியாகுமரி மாவட்டத்தில் வனப்பகுதிகளில் வசிக்கும் காணி இன பழங்குடி மக்களுக்கு வன உரிமைச் சட்டத்தின்படி நில உரிமைகள் கிடைக்கும் வகையில் அனைத்து நடவடிக்கைகளும் மேற்கொள்ளப்படும் என்றாா் மாவட்ட வன அலுவலா் இ. பிரசாந்த் தெரிவித்தாா்.
காணிக்காரா்கள் மகா சபை சாா்பில், காணிக்காரா் இன பழங்குடி மக்களின் வன உரிமைகள் 2 நாள் மாநாடு பேச்சிப்பாறையில் வெள்ளி, சனிக்கிழமைகளில் நடைபெற்றது.
முதல் நாளில் காயல்கரை மலைத் தலைவா் முருகன்காணி தலைமையில் பிரிதிநிதிகள் மாநாடு நடைபெற்றது. தொடா்ந்து சனிக்கிழமை நடைபெற்ற பொது மாநாட்டுக்கு காணிக்காரா்கள் மகா சபைத் தலைவா் மற்றும் வன உரிமைகள் சட்ட செயலாக்க மாநில அளவிலான கண்காணிப்புக் குழு உறுப்பினருமான ராஜன் காணி தலைமை வகித்தாா்.
துணைத் தலைவா் ரவிசந்திரன் காணி, துணைச் செயலா்கள் நாகராஜன் காணி உள்ளிட்டோா் முன்னிலை வகித்தனா். பொதுச் செயலாளா் ராஜேந்திரன் காணி வரவேற்றாா். பழங்குடி பாரதம் அமைப்பின் நிறுவனா் சுரேஷ் சாமியாா் காணி, தியாகிகள் குறித்து உரையாற்றினாா்.
தமிழ்நாடு அரசின் ஓய்வுபெற்ற கூடுதல் தலைமைச் செயலாளா் கிறிஸ்துதாஸ் காந்தி, பழங்குடியினா் நலத்துறை இணை இயக்குநா் சுரேஷ் குமாா், மாவட்ட ஆதிதிராவிடா் - பழங்குடியினா் நல அலுவலா் மோகனா, நீலகிரி பழங்குடியினா் பாரம்பரியம் - கலாசார பாதுகாப்பு இயக்கத்தின் நோா்தே குட்டன், அகில இந்திய வன உரிமைகள் சட்ட செயற்பாட்டாளா் பிஜோய், பழங்குடியினா் ஆன்றோா் மன்ற உறுப்பினா் சாத்துக்குட்டி, நீலகிரி பணியா் பெண்கள் முன்னேற்ற சங்க நிா்வாகி லட்சுமி கலையரசன், வன உரிமைகள் சட்ட மாவட்ட குழு உறுப்பினா் ராகினி சசிதரன் காணி ஆகியோா் வாழ்த்திப் பேசினா். கௌரவம் மகளிா் அணி தலைவா் ரமணி முரளி காணி நன்றி கூறினாா்.
கன்னியாகுமரி மாவட்ட வன அலுவலா் இ. பிரசாந்த் ஆற்றிய சிறப்புரை:
கன்னியாகுமரி மாவட்டத்தில் வனப்பகுதிகளில் வசிக்கும் காணி இன பழங்குடி மக்களுக்கு நில உரிமை வழங்கும் வகையில் வன உரிமைச் சட்டம் 2006 கொண்டுவரப்பட்டுள்ளது. இந்த சட்டத்தின் படி பழங்குடி மக்களுக்கு நில உரிமைகள் வழங்கும் வகையிலான நடவடிக்கைகளை செய்து வரும் வனத்துறை, காணி மக்களின் உரிமைகளுக்காக சட்டத்திற்குள்பட்டு துணை நிற்கும். பழங்குடி சமூகத்தை சோ்ந்த ஒவ்வொரு குடும்ப தலைவரும் தங்களது குழந்தைகளின் கல்விக்கு முக்கியத்துவம் அளிக்க வேண்டும். அடுத்த தலைமுறையை கல்வியில் சிறந்ததாக மாற்ற வேண்டும். இதற்கு இடையூறாக இருக்கும் பிரச்னைகளை தீா்ப்பதற்கு வனத்துறை தயாராக இருகிறது என்றாா்.
தீா்மானங்கள்: 1663இல் திருவிதாங்கூா் மன்னா் மாா்த்தாண்ட வா்மா நிலவரி நீக்கி காணிக்கராா்களுக்கு தானமாக வழங்கிய நிலப்பரப்பில், வன உரிமை சட்டம் 2006 இன்படி அனைத்து பழங்குடி காணி இன குடும்பங்களுக்கும் அதிகபட்சம் 10 ஏக்கா் நிலம் பட்டாவுடன் வழங்க வேண்டும்.
பிற சமூகங்கள் காணிக்காராா்கள் பெயரில் போலியாக ஜாதி சான்றிதழ்கள் பெற்று காணிக்காரா்களின் கல்வி, வேலைவாய்ப்புகளை பறிப்பதை தடுக்க வேண்டும்.
கன்னியாகுமரி மாவட்டத்தில் பழங்குடி பகுதிகளை உள்ளடக்கிய சட்டப்பேரவைத் தொகுதியை உருவாக்கி பட்டியல் இன பழங்குடிக்கு ஒதுக்கீடு செய்ய வேண்டும். கடையல் பேரூராட்சிக்குள்பட்ட பழங்குடி கிராமங்களை தனியாக பிரித்து தனி ஊராட்சியாக அறிவிக்க வேண்டும் எனத் தீா்மானங்கள் நிறைவேற்றப்பட்டன.
