தமிழகத்தைச் சோ்ந்த 50 புத்த, சமண, சீக்கிய மதத்தினா் நாட்டில் உள்ள அவரவா் மதங்களுக்கான புனித தலங்களுக்கு புனித பயணம் மேற்கொள்ள நிதியுதவி பெற விண்ணப்பிக்கலாம் என ஆட்சியா் இரா.சுகுமாா் தெரிவித்துள்ளாா்.
இதுதொடா்பாக அவா் வெளியிட்டுள்ள செய்திக்குறிப்பு: தமிழகத்தைச் சோ்ந்த 50 புத்த மதத்தினா், 50 சமண மதத்தினா், 20 சீக்கிய மதத்தினா் நாட்டில் உள்ள அவரவா் மதங்களுக்கான புனித தலங்களுக்கு புனித பயணம் மேற்கொள்ள தமிழக அரசால் ஆண்டுதோறும் நபா் ஒருவருக்கு ரூ.10,000 வீதம் 120 நபா்களுக்கு ரூ.12 லட்சம் நிதி உதவி வழங்கப்படுகிறது. இத்திட்டத்தின் கீழ் பயணம் மேற்கொண்டு பயன்பெற விரும்பும் புத்த, சமண, சீக்கி மதத்தினரிடமிருந்து விண்ணப்பங்கள் வரவேற்கப்படுகின்றன.
இப்புனித பயணம் புத்த மத தொடா்புடைய பிகாரில் உள்ள புத்த கயா, ராஜ்கிா், வைஷாலி, உத்தரப் பிரதேச மாநிலம் குசி நகா், வாராணசியில் உள்ள சாரநாத் கோயில், நேபாளத்தில் உள்ள லும்பினி போன்ற புனித தலங்கள், சமண மதத்தவா் ராஜஸ்தானில் உள்ள தில்வாரா கோயில், ரணக்பூா் சமண கோயில், ஜெய்சால்மா் சமண கோயில், ஜாா்கண்டில் உள்ள சிக்கா்ஜி, குஜராத்தில் உள்ள பாலிடனா, பிகாரில் உள்ள பவபுரி சமண கோயில், கா்நாடகத்தில் சரவணபெலகோலா போன்ற புனித தலங்கள், சீக்கிய மத தொடா்புடைய பஞ்சாப்பில் உள்ள அமிா்தசரஸ், தக்ட் ஸ்ரீகேசகா் சாகிப், தக்ட் ஸ்ரீடாம்டமா சாகிப், பிகாரில் உள்ள தக்ட் ஸ்ரீ ஹா்மந்திா் சாகிப் (குரு கோவிந்த் சிங்), தக்ட் ஸ்ரீ ஹசூா் சாகிப் (மஹாராஷ்டிரம்), பாகிஸ்தானிலுள்ள குருத்வாரா ஸ்ரீ நான்காணா சாகிப், குருத்வாரா ஸ்ரீ சச்சா சௌதா, மண்டி சுகா்கானா, குருத்வாரா ஸ்ரீ பஞ்ச சாகிப், ஹசன் அப்தல், குருத்வாரா ஸ்ரீ தெஹ்ரா சாகிப் போன்ற புனித தலங்களை உள்ளடக்கியது.
இத்திட்டத்தின் கீழ் இம்மாதம் 1-ஆம் தேதிக்குப் பிறகு புனித பயணம் மேற்கொள்பவா்களுக்கு இசிஎஸ் முறையில் நேரடியாக மானியம் வழங்கப்படும். இதற்கான விண்ணப்ப படிவங்களை திருநெல்வேலி மாவட்ட ஆட்சியா் அலுவலகத்தில் இயங்கும் மாவட்ட சிறுபான்மையினா் நல அலுவலகத்திலிருந்து கட்டணமின்றி பெறலாம். மேலும் ஜ்ஜ்ஜ்.க்ஷஸ்ரீம்க்ஷஸ்ரீம்ஜ்.ற்ய்.ஞ்ா்ஸ்.ண்ய் என்ற இணையதளத்திலிருந்தும் பதிவிறக்கம் செய்து கொள்ளலாம். பூா்த்தி செய்யப்பட்ட விண்ணப்பத்ை நவ. 30-ஆம் தேதிக்குள் உரிய ஆவணங்களுடன் ஆணையா், சிறுபான்மையினா் நலத்துறை, கலக மஹால் பாரம்பரிய கட்டடம், முதல் தளம், சேப்பாக்கம், சென்னை-600 005 என்ற முகவரிக்கு அனுப்பலாம் எனக் கூறியுள்ளாா்.
