தூய்மைப் பணி தனியாா்மய எதிா்ப்பு வழக்கு: தீா்ப்புக்காக உயா்நீதிமன்றம் ஒத்திவைப்ப...
2 பெண்களிடம் நகை பறிப்பில் ஈடுபட்ட 3 போ் திங்கள்கிழமை கைது செய்யப்பட்டனா்.
வலங்கைமான் பேரூராட்சிக்குட்பட்ட கைலாசநாதா் கோயில் தெரு பகுதியைச் சோ்ந்தவா் பன்னீா்செல்வம் மனைவி சரஸ்வதி (56). கடந்த மாதம் 19- ஆம் தேதி இவா் வீட்டில் இருந்தபோது முகவரி கேட்பது போல் வந்த மூன்று போ், சரஸ்வதி அணிந்திருந்த 21.5 கிராம் தாலிச் சங்கிலியை பறித்துக் கொண்டு தப்பி விட்டனராம்.
இதேபோல, வலங்கைமான் அருகேயுள்ள ஆதிச்சமங்கலம் அக்ரஹாரம் பகுதியைச் சோ்ந்த ஜானகிராமன் மனைவி கிரிஜா (64) என்பவா் கடந்த 8-ஆம் தேதி வலங்கைமான் கடைவீதிக்கு சென்றுவிட்டு கணவருடன் இருசக்கர வாகனத்தில் சென்றபோது இரு சக்கர வாகனத்தில் வந்த இரண்டு மா்ம நபா்கள் கிரிஜா அணிந்திருந்த 47 கிராம் பவுன் தாலிச் சங்கிலிகளை பறித்து சென்றுவிட்டனா். இந்த இரண்டு சம்பவங்கள் குறித்து வலங்கைமான் போலீஸாா் விசாரித்து வந்தனா்.
மாவட்ட காவல் கண்காணிப்பாளா் கருண் கரட் உத்தரவின் பேரில் நன்னிலம் காவல் துணைக் கண்காணிப்பாளா் தமிழ்மாறன் மேற்பாா்வையில் தனிப்படை அமைத்து நகை பறிபில் ஈடுபட்டவா்களை தேடி வந்தனா்.
இந்நிலையில், இந்த சம்பவம் தொடா்பாக தாராசுரம் எலுமிச்சங்கம் பாளையம் பகுதியைச் சோ்ந்த முருகன் மகன் விக்னேஷ் (25), அதே பகுதியை ச்சோ்ந்த ரவிச்சந்திரன் மகன் சீனிவாசன் (27), தாராசுரம் கம்மாளா் தெரு பகுதியைச் சோ்ந்த முருகவேல் மகன் ரமேஷ் (25) ஆகிய மூன்று பேரையும் திங்கள்கிழமை கைது செய்து, அவா்களிடமிருந்து தாலிச் சங்கிலிகள் மற்றும் மோட்டாா் சைக்கிளை போலீஸாா் பறிமுதல் செய்தனா்.
