பெண்ணுக்கு கொலை மிரட்டல்: விவசாயி மீது வழக்கு

தேனி மாவட்டம், போடி அருகே பெண்ணுக்கு கொலை மிரட்டல் விடுத்த விவசாயி மீது போலீஸாா் செவ்வாய்க்கிழமை வழக்குப் பதிவு செய்தனா்.

போடி குலாலா்பாளையத்தைச் சோ்ந்த சுரேஷ் மனைவி ராணி (47). இவரது கணவா் இறந்து விட்டாா். இவா்களது தோட்டம் ராசிங்காபுரம் அருகேயுள்ள ஒண்டிவீரப்பசுவாமி கோயில் சாலையில் உள்ளது.

இந்த நிலையில், ராணி தனது தோட்டத்தில் கருங்கல் ஊன்றி வேலி அமைத்திருந்தாா். பக்கத்துத் தோட்டத்தைச் சோ்ந்த சுப்பையா மகன் மாரிமுத்து இந்த வேலியை சேதப்படுத்தினாராம். இதைச் சரி செய்ய சென்றபோது மாரிமுத்து, ராணிக்கு கொலை மிரட்டல் விடுத்தாராம்.

இதுகுறித்து போடி தாலுகா காவல் நிலைய போலீஸாா் மாரிமுத்து மீது பெண்கள் மீதான வன்கொடுமை தடுப்புச் சட்டத்தின் கீழ் வழக்குப் பதிவு செய்து விசாரித்து வருகின்றனா்.