பெரம்பலூா்: பெரம்பலூா் அருகே வாகனத் தணிக்கையில் ஈடுபடும் காவலா்களுக்கான ஓய்வு அறைகளை, மாவட்டக் காவல் கண்காணிப்பாளா் ஆதா்ஷ் பசேரா புதன்கிழமை திறந்து வைத்தாா்.
திருச்சி- சென்னை தேசிய நெடுஞ்சாலைகளில் உள்ள பெரம்பலூா் நான்குச்சாலை சந்திப்பு மற்றும் தண்ணீா்பந்தல் ஆகிய பகுதிகளில், வாகனத் தணிக்கையில் ஈடுபடும் காவலா்களின் நலன் கருதி, மேற்கண்ட பகுதிகளில் அண்மையில் ஓய்வறைகள் அமைக்கப்பட்டன. இந்த அறைகளை மாவட்டக் காவல் கண்காணிப்பாளா் ஆதா்ஷ் பசேரா புதன்கிழமை திறந்துவைத்து பாா்வையிட்டாா்.
இந் நிகழ்ச்சியில், பெரம்பலூா் உட்கோட்ட துணைக் கண்காணிப்பாளா் ஆரோக்கியராஜ், பெரம்பலூா் காவல் நிலைய ஆய்வாளா் சதீஷ்குமாா், நகர போக்குவரத்து காவல் ஆய்வாளா் மகேஷ் மற்றும் சாா்பு ஆய்வாளா்கள் உடனிருந்தனா்.
