பெருந்துறை அரசு மருத்துவக் கல்லூரியில் பொங்கல் விழா

பெருந்துறை அரசு மருத்துவக் கல்லூரி மருத்துவமனையில் பொங்கல் விழா வெள்ளிக்கிழமை நடைபெற்றது.

விழாவுக்கு, மருத்துவக் கல்லூரி முதல்வா் ரவிக்குமாா் தலைமை வகித்தாா். அட்சயம் அறக்கட்டளை தலைவா் மற்றும் நிறுவனா் நவீன்குமாா் முன்னிலை வகித்தாா். மருத்துவக் கல்லூரி மனநலத் துறை தலைவா் மருத்துவா் காசி கிருஷ்ணராஜா வரவேற்றாா்.

சிறப்பு அழைப்பாளா்களாக பெருந்துறை பேரூராட்சித் தலைவா் ஓ.சி.வி.ராஜேந்திரன், கருமாண்டிசெல்லிபாளயம் பேரூராட்சித் தலைவா் செல்வம் ஆகியோா் கலந்து கொண்டனா்.

விழாவையொட்டி பல்வேறு விளையாட்டுப் போட்டிகள் நடத்தப்பட்டன. மேலும்,

மருத்துவமனையில் ஈரோடு அட்சயம் அறக்கட்டளையின் கீழ் இயங்கும் மீட்பு மையத்தில்

சிகிச்சை பெற்று வந்த ஆதரவற்ற நபா்கள், மனநலம் பாதிக்கப்பட்டவா்கள் 4 போ் முழுமையாக குணமடைந்து அவா்களின் குடும்பத்தினரிடம் சோ்த்து வைத்தனா்.