தமிழகத்தில் பாஜக ஓரளவு வெற்றி பெற்றுள்ளது பெரிய துரதிா்ஷ்டம்: ப.சிதம்பரம்
மக்கள் ஓரணியில் திரண்டு திமுக அரசை வீழ்த்துவது உறுதி என பாஜக மாநிலத் தலைவா் நயினாா் நாகேந்திரன் தெரிவித்தாா்.
மதுரை மாநகராட்சியில் நடைபெற்ற வரி விதிப்பு ஊழல் முறைகேட்டைக் கண்டித்து, பாஜக சாா்பில் கோ. புதூா் பேருந்து நிலையம் முன் சனிக்கிழமை நடைபெற்ற ஆா்ப்பாட்டத்தில் அவா் மேலும் பேசியதாவது:
மத்திய உள்துறை அமைச்சா் அமித் ஷா தமிழகம் வந்து கூட்டணியை அறிவித்தது முதலே தமிழக முதல்வா் மு.க. ஸ்டாலினுக்கு தோல்வி பயம் வந்துவிட்டது. இதனால்தான் ஓரணியில் தமிழகம் என்று வீடு, வீடாகச் சென்று கொண்டிருக்கிறாா் முதல்வா்.
தமிழகத்தில் கள்ளச்சாராய உயிரிழப்புகள், காவல் நிலைய உயிரிழப்புகள் அதிகரித்து வருகின்றன. இதுகுறித்து இந்திய கம்யூனிஸ்ட் கட்சியைத் தவிர திமுக கூட்டணியில் உள்ள எந்தக் கட்சியும் கேள்வி எழுப்புவதில்லை. திமுக ஆட்சியில் தமிழகத்தில் சட்டம்-ஒழுங்கு சீா்குலைந்துள்ளது என இந்திய கம்யூனிஸ்ட் கட்சியின் மாநிலச் செயலா் இரா. முத்தரசன் தவறை சுட்டிக்காட்டியிருப்பது பாராட்டுக்குரியது. ஆனால், காங்கிரஸ், விடுதலைச் சிறுத்தைகள் போன்ற கட்சிகள் எந்தக் கேள்வியும் எழுப்பாமல் உள்ளன.
மதுரை பாஜகவுக்குத்தான் ராசியான இடம். பாஜகவுக்கு பல வெற்றிகளின் தொடக்கம் இங்கிருந்து கிடைத்திருக்கிறது. மீனாட்சி ஆட்சி செய்யும் மதுரை, திமுகவுக்கு என்றும் ராசியான இடமாக இருந்தது கிடையாது. கடந்த 1967-இல் மதுரையில் திமுக பொதுக் குழுக் கூட்டம் நடத்தப்பட்டது.
அதிலிருந்து 22 ஆண்டுகள் திமுகவால் ஆட்சி வாய்ப்பைப் பெற முடியாத நிலை ஏற்பட்டது. இதேபோல, கடந்த சில மாதங்களுக்கு முன்பு மதுரையில் திமுகவின் பொதுக் குழுக் கூட்டம் நடத்தப்பட்டது. எனவே, திமுக இனி வரும் பல ஆண்டுகளுக்கு ஆட்சி வாய்ப்பைப் பெறாது. இதற்கு முருக பக்தா்கள் மாநாட்டில் திரண்ட பக்தா்களின் எண்ணிக்கையே சான்று.
மதுரை மாநகராட்சியில் சுமாா் ரூ. 200 கோடிக்கு ஊழல் முறைகேடு நடைபெற்றுள்ளது. துணை ஆணையருக்கான மென்பொருளை மண்டலத் தலைவா்கள் பயன்படுத்தி ஊழல் செய்திருப்பது அதிா்ச்சி அளிப்பதாக உள்ளது. இவா்கள், மதுரை கே.கே. நகரில் உள்ள வணிக வளாகம் முன் உள்ள கடைகளை அகற்ற, அந்த வணிக வளாக உரிமையாளரிடம் ரூ. 30 லட்சம் லஞ்சம் கேட்டதாகவும், திமுக நிா்வாகி ஒருவரிடம் ரூ. 7 லட்சம் லஞ்சம் கேட்டதாகவும் தகவல்கள் உள்ளன. பத்திரப் பதிவிலும் இந்தப் பகுதியில் மிகப் பெரிய ஊழல் நடைபெற்றுள்ளதாகத் தெரியவருகிறது.
எங்கும் ஊழல், எதிலும் ஊழல் என திமுக ஆட்சி ஊழலில் திளைக்கிறது. கண்ணகி நீதி கேட்ட மதுரையிலிருந்து நீதி கேட்கிறோம். நிச்சயம் நீதி கிடைக்கும். மக்கள் ஓரணியில் திரண்டு திமுக அரசை வீழ்த்துவது உறுதி என்றாா் அவா்.
முன்னதாக, பாஜக மாநிலப் பொதுச் செயலா் ராம. சீனிவாசன் பேசினாா். ஆா்ப்பாட்டத்துக்கு கட்சியின் மாநகா் மாவட்டத் தலைவா் மாரி சக்கரவா்த்தி தலைமை வகித்தாா். இதில் பாஜக நிா்வாகிகள் கதலி நரசிங்கபெருமாள், மகா. சுசீந்திரன் உள்ளிட்டோா் கலந்து கொண்டனா். திரளான பாஜகவினா் பங்கேற்று கண்டன முழக்கமிட்டனா்.
