முடிவடைந்த கட்டமைப்புகளை திறந்து வைத்தாா் அமைச்சா் கே.என். நேரு

மதுரை, தேனி மாவட்டங்களில் முடிவடைந்த கட்டமைப்புகளை நகராட்சி நிா்வாகம், குடிநீா் வழங்கல் துறை அமைச்சா் கே.என். நேரு சனிக்கிழமை திறந்துவைத்தாா்.

மதுரை உள்பட 11 மாவட்ட மாநகராட்சிகள், பேரூராட்சிகள், நகராட்சிகளில் மேற்கொள்ளப்படும் வளா்ச்சித் திட்டப் பணிகள் குறித்து மேயா்கள், நகா் மன்றத் தலைவா்கள், பேரூராட்சித் தலைவா்கள், அரசு அலுவலா்களுடனான ஆய்வுக் கூட்டத்தில் பங்கேற்க அமைச்சா் கே.என். நேரு மதுரைக்கு சனிக்கிழமை வருகை தந்தாா்.

தமுக்கம் மாநாட்டு மையத்தில் நடைபெற்ற ஆய்வுக் கூட்டத்தில் பங்கேற்பதற்கு முன்பு, மதுரை மாநகராட்சி வாா்டு எண் 49 தயிா் சந்தையில் ரூ.1.53 கோடியில் புதிதாக கட்டப்பட்ட கடைகள், மேலமடை பகுதியில் ரூ.2 கோடியில் புதிதாக அமைக்கப்பட்ட நவீன எரிவாயு மின் மயானம், கொடிக்குளம் பகுதியில் ரூ.30 லட்சத்தில் கட்டப்பட்ட துணை சுகாதார நிலையம், கொடிக்குளம் ஆரம்ப சுகாதார நிலையத்தில் ரூ.60 லட்சத்தில் கட்டப்பட்ட கூடுதல் கட்டடம், மாநகராட்சி பொன்முடியாா் உயா்நிலைப் பள்ளியில் ரூ.31 லட்சத்தில் கட்டப்பட்ட கழிப்பறைகள், ஜம்புரோபுரம் சந்தையில் ரூ.31 லட்சத்தில் கட்டப்பட்ட கழிப்பறை, தல்லாகுளம் மேலத் தெருவில் ரூ.25 லட்சத்தில் கட்டப்பட்ட சமுதாயக் கழிப்பறைகள் என மொத்தம் ரூ.5.30 கோடி மதிப்பில் மதுரை மாநகராட்சியில் முடிவடைந்த கட்டமைப்புகளை அமைச்சா் கே.என். நேரு திறந்து வைத்தாா்.

மேலும், மதுரை மாவட்டம், திருமங்கலம் நகராட்சி கலைஞா் நகா்ப்புற மேம்பாட்டுத் திட்டத்தின் கீழ் ரூ.1.85 கோடியில் கட்டப்பட்ட தினசரி சந்தை கடைகள், தேனி மாவட்டம், கம்பம் முகைதீன் ஆண்டவா்புரம் நகராட்சி பெண்கள் மேல்நிலைப் பள்ளியில் ரூ.95 லட்சத்தில் கட்டப்பட்ட நான்கு வகுப்பறை கட்டடம், கம்பம் நகராட்சி சுங்கம் நடுநிலைப்பள்ளி, தொடக்கப் பள்ளியில் ரூ.86 லட்சத்தில் புதிய கட்டப்பட்ட நான்கு வகுப்பறை கட்டடங்கள், கள்ளா் மேல்நிலைப் பள்ளியில் ரூ.68 லட்சத்தில் கட்டப்பட்ட நான்கு வகுப்பறை கட்டடங்கள், சின்னமனூா் நகராட்சி பொன்னகரில் புதிதாக கட்டப்பட்ட அறிவுசாா் மையம், கூடலூா் நகராட்சியில் புதிய பேருந்து நிலையம் என மொத்தம் ரூ.8.70 கோடி மதிப்பில் முடிவடைந்த கட்டமைப்புகளை அமைச்சா் திறந்து வைத்தாா்.

தொடா்ந்து, தேனி அல்லிநகரம் நகராட்சியில் மேற்குச் சந்தை வளாகத்தில் தினசரி கடைகள், தேனி அல்லிநகரம் நகராட்சி காமராஜ் பேருந்து முனைய வளாகத்தில் ராஜ வாய்க்கால் சீரமைத்தல், சிறுபாலங்கள் கட்டுதல் உள்ளிட்ட திட்டப் பணிகளுக்கு அமைச்சா் அடிக்கல் நாட்டினாா்.

இந்த நிகழ்வில், அமைச்சா் பி. மூா்த்தி, தேனி மக்களவைத் தொகுதி உறுப்பினா் தங்கதமிழ்ச்செல்வன், மாநகராட்சி மேயா் வ. இந்திராணி, மதுரை மாவட்ட ஆட்சியா் மா.சௌ. சங்கீதா, மாநகராட்சி ஆணையா் சித்ரா விஜயன் உள்ளிட்ட அலுவலா்கள் பலா் கலந்து கொண்டனா்.