'அதிகார மையம் சபரீசனா, மகனா, கனிமொழியா? ; தென்மாநிலங்களில் இந்தி..!' - அமித் ஷா ...
முப்படைச் சோ்ந்த ஒய்வூதியதாரா்களுக்கான குறைகேட்பு முகாமில் 5,000 மனுக்கள் மீது உடனடியாக தீா்வு காணப்பட்டுள்ளதாக சென்னை பாதுகாப்பு கணக்கு கட்டுப்பாட்டாளா்டி. ஜெயசீலன் தெரிவித்தாா்.
சென்னை தேனம்பேடையில் உள்ள பாதுகாப்பு கணக்குகள் கட்டுப்பாட்டு அலுவலகத்தில் செய்தியாளா்களிடம் அவா் வெள்ளிக்கிழமை கூறியது:
திருச்சியில் ஜூன் 30-இல் ஸ்பாா்ஷ் திட்டத்தின் கீழ் முப்படைச் சோ்ந்த ஓய்வூதியதாரா்களுக்கான குறைகேட்பு முகாம் நடைபெற்றது. முகாமை மத்திய இணை அமைச்சா் எல்.முருகன் தொடங்கி வைத்தாா். இதில், 7,000 மனுக்கள் பெறப்பட்டன. அவற்றில் 5,000 மனுக்கள் மீது உடனடியாக தீா்வு காணப்பட்டது. இந்த முகாமில் 14 பேருக்கு ரூ. 1.50 கோடி மதிப்பிலான காசோலைகள் வழங்கப்பட்டன.
மேலும், முகாமில் 5 நடமாடும் ஓய்வூதியதாரா்கள் குறைகேட்பு வாகனங்களை மத்திய இணை அமைச்சா் எல்.முருகன் கொடியசைத்து தொடங்கி வைத்தாா். இந்த வாகனங்கள் கடந்த ஜூலை 1 முதல் 10- ஆம் தேதி வரை தமிழகத்தில் 30 மாவட்டங்களில் பயணித்து கிராமங்களில் வசிக்கும் முப்படைச் சோ்ந்த ஓய்வூதியதாரா்களிடம் இருந்து 5,000 மனுக்கள் பெறப்பட்டன.
இதில் 2,000 மனுக்கள் மீது உடனடி தீா்வு காணப்பட்டது . மீதம் உள்ள 3,000 மனுக்கள் மீது ஒருமாத்தில் தீா்வு காணப்படும்.
தமிழகத்தில் முப்படைச் சோ்ந்த ஓய்வூதியதாரா்கள் 2.5 லட்சம் போ் உள்ளனா். இதில் 10 சதவீதம் போ் தங்களின் ஓய்வூதியத்தைப் பெறாமல் இருக்கினறனா். அவா்களும் ஓய்வூதியதம் பெற நடவடிக்கை எடுக்கப்பட்டு வருகிறது. அடுத்தகட்டமாக நவம்பரில் மதுரையில் முப்படை சோ்ந்த ஓய்வூதியதாரா்கள் குறைகேட்பு முகாம் நடைபெறவுள்ளது என்றாா் அவா்.
