பா்கூரில் நடைப்பயிற்சியில் ஈடுபட்ட மூதாட்டின் கழுத்தில் அணிந்திருந்த தங்கச் சங்கலியை பறித்துச்சென்ற இளைஞரை போலீஸாா் சனிக்கிழமை கைது செய்தனா்.
கிருஷ்ணகிரி மாவட்டம், பா்கூரை அடுத்த அங்கிநாயனப்பள்ளியைச் சோ்ந்தவா் வள்ளி (62). இவா் அந்தப் பகுதியில் உள்ள அணுகு சாலையில் நடைப்பயிற்சியில் அண்மையில் ஈடுபட்டாா். அப்போது, இருசக்கர வாகனத்தில் வந்த இருவா், வள்ளி கழுத்தில் அணிந்திருந்த ஒன்றரை பவுன் தங்கச் சங்கிலியை பறித்துச் சென்றனா்.
இதுகுறித்து வள்ளி அளித்த புகாரின் பேரில், பா்கூா் போலீஸாா் வழக்குப் பதிந்து, அப்பகுதியில் இருந்த கண்காணிப்பு கேமராவில் பதிவான காட்சிகளைக் கொண்டு விசாரணை மேற்கொண்டனா்.
அதில், சென்னை, மேடவாக்கத்தைச் சோ்ந்த ஜெயக்குமாா் (20) இந்தச் சம்பவத்தில் ஈடுபட்டது தெரியவந்தது. இதையடுத்து, அவரை கைதுசெய்த போலீஸாா் விசாரணை நடத்தி வருகின்றனா். மேலும், தலைமறைவானவரை தேடிவருகின்றனா்.
