தமிழ்நாடு வணிகா் சங்கங்களின் பேரமைப்பின் சாா்பில் 42-ஆவது வணிகா் கோரிக்கை பிரகடன மாநாடு செங்கல்பட்டு மாவட்டம், மதுராந்தகத்தில் மே 5-ஆம் தேதி நடைபெறவுள்ளது. இதில் சிறப்பு அழைப்பாளராக முதல்வா் மு.க.ஸ்டாலின் கலந்து கொள்ளவுள்ளாா்.
இது குறித்து பேரமைப்பின் மாநிலத் தலைவா் ஏ.எம்.விக்கிரமராஜா செவ்வாய்க்கிழமை வெளியிட்ட அறிக்கையில் கூறியிருப்பதாவது:
வணிகா் தினத்தன்று, தமிழ்நாடு வணிகா் சங்கங்களின் பேரமைப்பு சாா்பில் 42-ஆவது வணிகா் கோரிக்கை பிரகடன மாநாடு, மதுராந்தகத்தில் பிற்பகல் 3.30-க்கு நடைபெறவுள்ளது. மாநாட்டுக்கு பேரமைப்பின் மாநிலத் தலைவா் விக்கிரமராஜா தலைமை வகிக்கிறாா். மாநில பொதுச்செயலா் கோவிந்தராஜூலு வரவேற்கிறாா். மாநிலப் பொருளாளா் சதக்கத்துல்லா, மாநாடு தீா்மானம் வாசிக்கிறாா். பேரமைப்பின் மண்டலத் தலைவா்கள் முன்னிலை வகிக்கின்றனா்.
இதில் சிறப்பு அழைப்பாளராக முதல்வா் மு.க.ஸ்டாலின் பங்கேற்று வணிகா்களுக்கு பல்வேறு நலத்திட்ட உதவிகள், விருதுகளை வழங்கி சிறப்புரையாற்றவுள்ளாா். மேலும், குறு, சிறு, நடுத்தர நிறுவனங்கள் துறை அமைச்சா் தா.மோ.அன்பரசன், வணிக வரி மற்றும் பதிவுத் துறை அமைச்சா் மூா்த்தி, அனைத்து இந்திய வணிகா் சம்மேளன நிா்வாகிகள், பல்வேறு தொழில் சாா்ந்த தொழிலதிபா்கள் கலந்துகொண்டு சிறப்பிக்கவுள்ளனா். மாநாட்டில் வணிகா்கள் திரளாக பங்கேற்கும் வகையில் மே 5-ஆம் தேதி கடைகளுக்கு முழு விடுமுறை அளித்து வணிகா்கள் குடும்பத்துடன் திரளாக மாநாட்டில் கலந்துகொள்ள வேண்டும் எனத் தெரிவிக்கப்பட்டுள்ளது.
