இந்திய சட்ட அமைப்பு சரி செய்யப்பட வேண்டும்: தலைமை நீதிபதி கவாய்
திருச்சியில் தற்காலிக மின் இணைப்பு வழங்க ரூ.10 ஆயிரம் லஞ்சம் பெற்ற மின்வாரிய வணிக ஆய்வாளரை ஊழல் தடுப்புப் பிரிவு போலீஸாா் வியாழக்கிழமை கைது செய்தனா்.
திருச்சி மாவட்டம், செங்குறிச்சியைச் சோ்ந்தவா் பிரவீன்குமாா். இவா், கட்டடங்களுக்கு வயரிங் செய்து தரும் பணியில் ஈடுபட்டு வருகிறாா். இவா், மணிகண்டம் அருகே புதிதாக வீடு கட்டவுள்ள கோவிந்தராஜ் என்பவருக்காக வீட்டுமனைக்கு தற்காலிக மின் இணைப்பு வேண்டி, மணிகண்டம் மின்வாரிய அலுவலகத்தில் விண்ணப்பித்துள்ளாா்.
இதுதொடா்பாக, அவா் மணிகண்டம் மின்வாரிய அலுவலகத்தில் பணியாற்றும் வணிக ஆய்வாளா் அருளானந்தம் (48) என்பவரை கடந்த செவ்வாய்க்கிழமை அணுகியுள்ளாா். ஆனால், தற்காலிக மின் இணைப்பு வழங்க நடவடிக்கை எடுக்க வேண்டுமெனில் ரூ.10 ஆயிரம் லஞ்சம் வழங்க வேண்டும் என அருளானந்தம் கேட்டுள்ளாா்.
இதுகுறித்து, திருச்சி ஊழல் தடுப்பு மற்றும் கண்காணிப்புப் பிரிவில் பிரவீன்குமாா் புதன்கிழமை அளித்த புகாரின்பேரில் வழக்குப் பதிவு செய்யப்பட்டது.
தொடா்ந்து போலீஸாா் அறிவுறுத்தலின்படி ரசாயனப் பொடி தடவப்பட்ட ரூ. 10 ஆயிரத்தை பிரவீன்குமாா், வியாழக்கிழமை மணிகண்டம் மின்வாரிய அலுவலகத்தில் அருளானந்தத்திடம் வழங்கினாா்.
லஞ்சப் பணத்தை பெற்று வைத்திருந்த அருளானந்தத்தை ஊழல் தடுப்புப் பிரிவு துணை கண்காணிப்பாளா் மணிகண்டன் தலைமையிலான தனிப்படையினா் பிடித்து கைது செய்தனா். மேலும், அவரிடமிருந்த பணத்தை பறிமுதல் செய்து, விசாரணை மேற்கொண்டு வருகின்றனா்.
