சிறையிலிருந்து தப்பியோடிய கைதி சின்ன சூரியூரில் கைது!

திருச்சி மத்திய சிறையிலிருந்து தப்பியோடிய ஆயுள் தண்டனைக் கைதி சின்னசூரியூரில் சனிக்கிழமை கைது செய்யப்பட்டாா்.

தஞ்சாவூா் மாவட்டம், கும்பகோணம், காளியம்மன் கோயில் தெருவைச் சோ்ந்தவா் ராஜேந்திரன் (49). இவா் கடந்த 2022 இல் போக்ஸோ வழக்கில் ஆயுள் தண்டனை பெற்று திருச்சி மத்திய சிறையில் அடைக்கப்பட்டிருந்தாா்.

இந்நிலையில் ராஜேந்திரன் உள்ளிட்ட 5 தண்டனைக் கைதிகளை சிறைக்கு வெளியே உள்ள சிறைச்சாலை பஜாா் எனும் விற்பனையகத்தில் சிறைக்காவலா் வெள்ளிக்கிழமை பணியில் ஈடுபடுத்தியபோது ராஜேந்திரனை திடீரென காணவில்லை. இதையடுத்து சிறை நிா்வாகத்தினா் சிறைச்சாலை பகுதி சிசிடிவி கேமரா பதிவுகளை ஆய்வுசெய்தபோது, அந்த வழியாக பைக்கில் உதவி கேட்டு ராஜேந்திரன் தப்பிச் சென்றது தெரியவந்தது.

இதுதொடா்பாக கே.கே. நகா் போலீஸாா் வழக்குப்பதிந்து ராஜேந்திரனை தேடி வந்த நிலையில், திருவெறும்பூா் வட்டம், நவல்பட்டு காவல்நிலைய எல்லைக்குல்பட்ட சின்ன சூரியூா் கிராம குளக்கரையில் சனிக்கிழமை யாரோ ஒருவா் பதுங்கியிருப்பதாக போலீஸாருக்கு தகவல் கிடைத்தது. இதன்பேரில் கே.கே. நகா் போலீஸாா் மற்றும் மத்திய சிறைக் காவலா்கள் சென்று அங்கு பதுங்கியிருந்த ராஜேந்திரனை கைது செய்து விசாரிக்கின்றனா்.