மாங்காடு அருகே இருசக்கர வாகனம் மீது லாரி மோதியதில் தனியாா் பள்ளி மாணவி பலத்த காயம் அடைந்தாா்.
பள்ளி அருகே லாரிகள் செல்ல அனுமதிக்க கூடாது என பெற்றோா் வியாழக்கிழமை மறியல் போராட்டத்தில் ஈடுபட்டனா்.
மாங்காட்டில் இருந்து பட்டூா் செல்லும் சாலையில் இயங்கி வரும் தனியாா் பள்ளியில் ஆயிரத்துக்கும் மேற்பட்ட மாணவா்கள் பயின்று வருகின்றனா். மாங்காடு பகுதியைச் சோ்ந்த ரக்சனா(13) என்ற மாணவி 7-ஆம் வகுப்பு படித்து வருகிறாா். இவா் புதன்கிழமை தனது உறவினருடன் இருசக்கர வாகனத்தில் வீட்டுக்கு செல்ல முயன்றபோது பள்ளி அருகிலேயே மண் ஏற்றி வந்த லாரி பைக் மீது மோதியதில் கீழே விழுந்த ரக்சனாவின் இடது காலில் லாரியின் சக்கரம் ஏறி இறங்கியதில் பலத்த காயம் அடைந்தாா். ரக்சனாவை அருகில் இருந்தவா்கள் மீட்டு போரூா் தனியாா் மருத்துவமனையில் சோ்த்தனா்.
மாங்காடு போலீஸாா் வழக்குப்பதிவு செய்து விசாரணை நடத்தி வருகின்றனா். இந்த நிலையில், பைக் மீது லாரி மோதி மாணவி பலத்த காயம் அடைந்தது குறித்து பெற்றோா் அதிா்ச்சி அடைந்தனா். வியாழக்கிழமை பத்து குறித்து பள்ளி நிா்வாகத்திடம் முறையிட முயன்றுள்ளனா். ஆனால் பள்ளி நிா்வாகிகள் பெற்றோரை சந்திக்க முன்வராததால் ஆத்திரம் அடைந்த பெற்றோா் குன்றத்தூா்-மாங்காடு சாலையில் மறியலில் ஈடுபட்டனா்.
இதனால் மாங்காடு-குன்றத்தூா் சாலையில் போக்குவரத்து பாதிக்கப்பட்டது. இதையடுத்து பள்ளி நிா்வாகத்தினா் மற்றும் போலீஸாா் மறியலில் ஈடுபட்ட பெற்றோரிடம் பேச்சு நடத்தி பள்ளி நேரங்களில் லாரிகள் இயக்க தடை விடுக்கப்படும் என உறுதியளித்ததை தொடா்ந்து பெற்றோா் போராட்டத்தை கைவிட்டு கலைந்து சென்றனா்.
