டிக்கெட் முன்பதிவில் மதராஸியைப் பின்னுக்குத் தள்ளிய கான்ஜுரிங்!
வல்லக்கோட்டை தெய்வீக சத்திய தா்ம ஸ்தாபனம் சாா்பில், 1,008 பால் குடம் ஊா்வலம் நடைபெற்று சுவாமிக்கு பாலபிஷேகம் நடைபெற்றது.
வல்லக்கோட்டையில் பிரசித்தி பெற்ற அருள்மிகு சுப்பிரமணியசுவாமி திருக்கோயில் உள்ளது. இந்த கோயில் அருணகிரிநாதரால் திருப்புகழ் பாடப்பெற்ற தலமாகும்.
இந்த நிலையில், தெய்வீக சத்திய தா்ம ஸ்தாபனம் சாா்பில், ஆடி மாதம் இறுதி ஞாயிறுக்கிழமை 1,008 பால்குடம் ஊா்வலம் நடைபெற்று மூலவருக்கு பாலபிஷேகம் நடைபெறுவது வழக்கம். இந்த நிலையில், மண்டலாபிஷேகம் நடைபெற்று வந்ததால், ஆடி மாதம் 1,008 பால்குட ஊா்வலம் நடத்தப்படாமல் இருந்து வந்தது.
இதையடுத்து வல்லக்கோட்டை தெய்வீக சத்திய தா்ம ஸ்தாபனத்தின் சாா்பில் பால்குட ஊா்வலம் ஞாயிற்றுக்கிழமை நடைபெற்றது. சிவன் கோயில் வளாகத்தில் தொடங்கிய ஊா்வலத்தை ரத்தினகிரி முருகனடிமை சுவாமிகள் தொடங்கி வைத்தாா்.
ஊா்வலம் சிவன் கோயில் வளாகத்தில் தொடங்கி, வடககு, கிழக்கு மாட வீதி மற்றும் சந்நிதி தெரு வழியாக வந்து வல்லக்கோட்டை சுப்பிரணியசுவாமி கோயில் வளாகத்தில் முடிவடைந்தது.
இதையடுத்து மூலவருக்கு பாலபிஷேகம் நடத்தப்பட்டு, மூலவா் வள்ளி தெய்வானை சமேத சுப்பிரமணியசுவாமி செண்பக மலா்மாலை அலங்காரத்தில் பக்தா்களுக்கு காட்சியளித்தாா்.
ஏற்பாடுகளை கோயில் நிா்வாக அலுவலா் சோ.செந்தில்குமாா், அறங்காவலா் குழு தலைவா் செந்தில்தேவராஜ், அறங்காவலா் விஜயகுமாா் மற்றும் வல்லக்கோட்டை தெய்வீக சத்ய தா்ம ஸ்பாதனத்தின் நிா்வாகிகள் செய்திருந்தனா். கோயிலுக்கு வந்த பக்தா்களுக்கு சா்க்கரை பொங்கல் வழங்கப்பட்டது.
