வாக்கு திருட்டை கண்டித்து திருச்சியில் செப்டம்பா் 6-ஆம் தேதியும், தஞ்சாவூரில் 13-ஆம் தேதியும் தொடா் முழக்கப் போராட்டம் நடத்துவது என வாக்குரிமை காப்பு இயக்கம் முடிவு செய்துள்ளது.
தஞ்சாவூரில் இந்த இயக்கத்தின் ஆலோசனைக் கூட்டம் சனிக்கிழமை நடைபெற்றது. இதில், எடுக்கப்பட்ட முடிவுகள் குறித்து செய்தியாளா்களிடம் இயக்க ஒருங்கிணைப்பாளரும், மக்கள் அதிகாரம் மூத்த நிா்வாகியுமான காளியப்பன் தெரிவித்தது: இந்திய தோ்தல் ஆணையம் மக்களின் நம்பிக்கையை இழந்த ஆணையாக மட்டுமல்லாமல், ஆளுங்கட்சியுடன் இணைந்து மிகப் பெரிய தில்லுமுல்லுவை நடத்துகிற நிறுவனமாக மாறியுள்ளது என்பதை ராகுல் காந்தி அம்பலப்படுத்தியுள்ளாா்.
பிகாரில் சிறப்பு திருத்த முறை என்கிற பெயரில் மிகப் பெரிய அளவில் பிகாா் மக்களின் வாக்குரிமையைப் பறிக்கும் செயலில் தோ்தல் ஆணையம் ஈடுபட்டுள்ளது. இதன் மூலம் பாஜகவுக்கு எதிராக வாக்களிக்கக்கூடும் எனக் கருதப்படுகிற மக்களை வாக்காளா் பட்டியலிலிருந்து நிரந்தரமாக நீக்குவது என்கிற ஜனநாயக விரோதமான நடவடிக்கையைத் தோ்தல் ஆணையம் செய்கிறது.
இது வெறும் வாக்காளா் பிரச்னை மட்டுமல்லாமல், குடியுரிமையை இல்லாததாக்கும் வேலையைத் தோ்தல் ஆணையமே செய்து வரும் ஆபத்தான நிலை நிலவுகிறது.
எனவே, தோ்தல் ஆணையத்தைக் கண்டித்தும், குறுக்கு வழியில் அதிகாரத்தைப் பெற்ற பிரதமா் மோடி பதவி விலக கோரியும் திருச்சியில் செப்டம்பா் 6-ஆம் தேதியும், தஞ்சாவூரில் 13-ஆம் தேதியும் முழு நாள் தொடா் முழக்கப் போராட்டம் நடத்துவது என முடிவு செய்யப்பட்டுள்ளது. இதற்கு முன்பாக தஞ்சாவூா் மாவட்டம் ஒரத்தநாடு, அம்மாபேட்டை, பாபநாசம், வல்லம், செங்கிப்பட்டி, பூதலூா் ஆகிய சிறு நகரங்களில் தெருமுனைக் கூட்டம் நடத்தப்படவுள்ளது என்றாா் காளியப்பன்.
அப்போது, தாளாண்மை உழவா் இயக்க ஒருங்கிணைப்பாளா் கோ. திருநாவுக்கரசு, இந்திய கம்யூனிஸ்ட் கட்சி தெற்கு மாவட்டச் செயலா் கோ. சக்திவேல், சிபிஐஎம்எல் மக்கள் விடுதலை மாநில நிா்வாகி இரா. அருணாசலம் உள்ளிட்டோா் உடனிருந்தனா்.
