விதை நிலக்கடலை விற்பனையில் முறைகேடு? விவசாயிகள் கோரிக்கை

நிலக்கடலையை வெளிச்சந்தையில் விற்பனை செய்த வேளாண் அதிகாரிகள் மீது நடவடிக்கை எடுக்க வேண்டும் என இளம் விவசாயிகள் சங்கத்தினா் கோரிக்கை விடுத்துள்ளனா்.

இதுகுறித்து நாமக்கல்லில் வியாழக்கிழமை அச்சங்கத்தின் தலைவா் செளந்தரராஜன் செய்தியாளா்களிடம் கூறியதாவது:

நாமக்கல் மாவட்டத்தில் வேளாண்மை துறையின் கீழ் செயல்படும் நாமகிரிப்பேட்டை வேளாண்மை விரிவாக்க மையத்தில் மானிய திட்டத்தின் மூலம் விவசாயிகளுக்கு வழங்க இருந்த விதை நிலக்கடலை விவசாயிகளுக்கு வழங்காமல் வெளிச்சந்தையில் விற்பனை செய்யப்பட்டுள்ளது.

இதுகுறித்து உரிய விசாரணை நடத்த வேண்டும். கடந்த ஜூலை மாதம் 25-ஆம் தேதி நடைபெற்ற விவசாயிகள் குறைதீா் கூட்டத்தில் இந்த பிரச்னை தொடா்பாக மனு அளிக்கப்பட்டது. வேளாண்மை இணை இயக்குநா் விசாரணையில் முறைகேடு நடைபெற்றிருப்பது கண்டறியப்பட்டும் இதுவரை நடவடிக்கை இல்லை.

இதுதொடா்பாக தமிழக அரசு சிறப்பு அதிகாரிகளைக் கொண்டு விசாரணை நடத்த வேண்டும். விவசாயிகளுக்கு மானியத் திட்டத்தில் கிடைக்க வேண்டிய விதை நிலக்கடலையை முறைகேடு செய்தவா்கள் மீது கடும் நடவடிக்கை எடுக்க வேண்டும் என்றாா்.

பேட்டியின்போது, மாவட்ட ஒருங்கிணைப்பாளா் இளவரசன், கரூா் மாவட்ட ஒருங்கிணைப்பாளா் நவீன் ஆகியோா் உடனிருந்தனா்.

இதுகுறித்து வேளாண் அதிகாரிகள் கூறுகையில், நாமகிரிப்பேட்டை ஒழுங்குமுறை விற்பனை கூடத்தில் மொத்தம் 248 உறுப்பினா்கள் பதிவு செய்துள்ளனா். அவா்களுக்கு விதை நிலக்கடலை வழங்கப்பட்டுள்ளது. இணை இயக்குநா் நேரடியாக சென்று 58 பேரிடம் விளக்கம் பெற்று அவா்களிடம் கடிதமாகவே பெற்றுள்ளாா். எந்தவித முறைகேடும் நடைபெறவில்லை என்றனா்.

என்கே-4-விவசாயி

நாமக்கல்லில் செய்தியாளா்களுக்கு பேட்டியளித்த இளம் விவசாயிகள் சங்க தலைவா் செளந்தரராஜன் உள்ளிட்டோா்.