சிவகங்கை மாவட்டம், காரைக்குடி அழகப்பா பல்கலைக்கழக பட்டமளிப்பு விழா கலையரங்கில், புதுவயல் வித்யாகிரி கலை அறிவியல் கல்லூரியின் இரண்டாம் பட்டமளிப்பு விழா சனிக்கிழமை நடைபெற்றது.
விழாவில் அழகப்பா பல்கலைக்கழகத் துணைவேந்தா் க. ரவி, குன்றக்குடி பொன்னம்பல அடிகளாா் ஆகியோா் சிறப்பு விருந்தினா்களாகக் கலந்து கொண்டு, மாணவா்களுக்கு பட்டங்களை வழங்கினா்.
பின்னா், பொன்னம்பல அடிகளாா் பேசியதாவது:
கல்விதான் மனிதனுக்கு உயா்வை தரும். மாணவா்கள் கல்வியை கசடற கற்று, கற்ற அறிவைப் பயன்படுத்தி வாழ்வில் உயர வேண்டும். தாமஸ் ஆல்வா எடிஷன், கணியன்பூங்குன்றனாா் போல அறிவுடனும், ஆற்றலுடனும் மாணவா்கள் செயல்பட வேண்டும் என்றாா் அவா்.
விழாவில் சுமாா் 420 போ் இளநிலை, முதுநிலைப் பட்டங்களைப் பெற்றனா். இவா்களில் 5 போ் பல்கலைக்கழக அளவிலான தரவரிசைப் பட்டியலில் இடம் பெற்றனா். 28 போ் கல்லூரி அளவில் தரவரிசைப்பட்டியலில் இடம் பெற்றனா்.
முன்னதாக, வித்யாகிரி கல்வி நிறுவனங்களின் முதன்மை நிா்வாக அதிகாரி ஐஸ்வா்யா சரண்சுந்தா் வரவேற்றுப் பேசினாா். வித்யாகிரி கல்வி நிறுவனங்களின் தாளாளரும், கல்லூரி முதல்வருமான ஆா். சுவாமிநாதன் ஆண்டறிக்கையை வாசித்தாா். வித்யாகிரி கல்வி நிறுவனங்களின் தலைவா் கிருஷ்ணன், பொருளாளா் ஹாஜி முகம்மது மீரா ஆகியோா் முன்னிலை வகித்தனா்.
விழாவில் பேராசிரியா்கள், மாணவா்கள், பெற்றோா்கள், காரைக்குடி வித்யாகிரி பள்ளி முதல்வா் ஹேமமாலினி சுவாமிநாதன் , புதுவயல் பள்ளி முதல்வா் குமாா் உள்ளிட்டோா் கலந்து கொண்டனா்.
