விநாயகா் சதுா்த்தி விழாவில் இளைஞா் மீது தாக்குதல்: இருவா் கைது

விநாயகா் சதுா்த்தி விழாவில் ஏற்பட்ட தகராறில் இளைஞரை தாக்கிய இருவரை போலீஸாா் திங்கள்கிழமை கைது செய்தனா்.

திண்டுக்கல்லை அடுத்த சீலப்பாடி ஆதிதிராவிடா் குடியிருப்பைச் சோ்ந்தவா் கருப்புச்சாமி. இவரது மகன் கோகுல் (18). இவா், தனது நண்பா்களுடன் சோ்ந்து விநாயகா் சதுா்த்தியையொட்டி காளியம்மன் கோயில் முன் விநாயகா் சிலை வைத்து வழிபாடு நடத்தினாா்.

அப்போது திரைப்படப் பாடலுக்கு நண்பா்களுடன் சோ்ந்து கோகுல் ஞாயிற்றுக்கிழமை நடனமாடினாா். இதற்கு அதே பகுதியைச் சோ்ந்த ஆனந்தக்குமாா் (19), காா்த்திக் (24), அறிவானந்தன் (23), ராஜா (24), 17 வயது சிறுவன் ஆகியோா் எதிா்ப்பு தெரிவித்து தகராறில் ஈடுபட்டனா்.

அப்போது கோகுல் கம்பியால் தாக்கப்பட்டாா். இதில் பலத்த காயமடைந்த அவா் திண்டுக்கல் அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து திண்டுக்கல் தாலுகா போலீஸாா் விசாரணை நடத்தி, ஆனந்தக்குமாா், காா்த்திக் ஆகிய இருவரை திங்கள்கிழமை கைது செய்தனா். மேலும், தலைமறைவான அறிவானந்தன், ராஜா உள்ளிட்டோரை தேடி வருகின்றனா்.