விவசாயிகள் மற்றும் உழவா் உற்பத்தியாளா் நிறுவனங்கள் தங்களின் விளைபொருள்களை ஏற்றுமதி செய்ய மானியம் வழங்கப்படுகிறது என மாவட்ட ஆட்சியா் மீ. தங்கவேல் தெரிவித்தாா்.
இதுதொடா்பாக அவா் வெளியிட்டுள்ள செய்திக்குறிப்பு: மா, தென்னை, சிறுதானியங்கள், முருங்கை, மஞ்சள், சின்னவெங்காயம் மற்றும் வெள்ளரி போன்றவற்றைப் பயிரிடும் விவசாயிகள் மற்றும் உழவா் உற்பத்தியாளா் நிறுவனங்கள் தங்களது விளைபொருள்களை ஏற்றுமதி செய்வதற்கு தமிழக அரசு ரூ.15,000 வரை மானியம் வழங்குகிறது.
ஏற்றுமதியில் ஆா்வமுள்ள விவசாயிகள் மற்றும் உழவா் உற்பத்தியாளா் நிறுவனங்கள் இத்திட்டத்தை பயன்படுத்திக் கொள்ளலாம். மேலும் தகவலுக்கு வேளாண் துணை இயக்குநா், (வேளாண் வணிகம்) கைப்பேசி எண் 94425-56138 மற்றும் வேளாண்மை அலுவலா்களின் கைப்பேசி எண் 95004-16678, 99422-86337, 94895-08735 ஆகிய எண்களில் தொடா்பு கொள்ளலாம் என தெரிவித்துள்ளாா்.
