மோதலும் காதலும்..! கான்ஸ்டாஸ் குடும்பத்தினரை சந்தித்த கோலி, பும்ரா!
தூத்துக்குடி மாவட்டம் முக்காணியில் விவசாயியை அரிவாளால் வெட்டியதாக தங்கை கணவா் உள்ளிட்ட இருவரை போலீஸாா் கைது செய்தனா்.
முக்காணியில் உள்ள முதலியாா் தெருவைச் சோ்ந்த நயினாா் மகன் சுயம்புலிங்கம் (38). வாழை விவசாயி. இவரது தங்கை தங்கம். இவரது கணவா், அதே ஊா் யாதவா் தெருவைச் சோ்ந்த மா. நாராயணன் (35). இத்தம்பதிக்கு 3 குழந்தைகள் உள்ளனா்.
தம்பதியிடையே 6 மாதங்களுக்கு முன்பு ஏற்பட்ட பிரச்னையை சுயம்புலிங்கம் தட்டிக்கேட்டதால், அவருக்கும் நாராயணனுக்கும் இடையே மோதல் ஏற்பட்டதாகவும், சுயம்புலிங்கத்தின் வாழைத் தோட்டத்திலுள்ள குடிசைக்கு நாராயணன் தீவைத்ததாகவும் கூறப்படுகிறது. சுயம்புலிங்கம் அளித்த புகாரின்பேரில் ஆத்தூா் போலீஸாா் வழக்குப் பதிந்து, நாராயணனை கைது செய்து சிறையில் அடைத்தனா். அதையடுத்து, ஜாமீனில் வந்த நாராயணன் மீண்டும் மனைவியிடம் தகராறு செய்துவந்தாராம்.
இந்நிலையில், கடந்த வெள்ளிக்கிழமை (டிச. 27) ஏற்பட்ட தகராறையடுத்து, நாராயணன் அதே பகுதியைச் சோ்ந்த நண்பா் மாரியப்பனுடன் பைக்கில் முக்காணி பெட்ரோல் பங்க் அருகே வந்து கொண்டிருந்தாா். அங்குள்ள டீ கடையில் நின்றிருந்த சுயம்புலிங்கத்தை இருவரும் சோ்ந்து அரிவாளால் வெட்டியதாகக் கூறப்படுகிறது.
அப்போது, ரோந்துப் பணியிலிருந்த ஆத்தூா் காவல் உதவி ஆய்வாளா் பாஸ்கா், காவலா்கள் ராஜபாண்டியன், குமரேசன் ஆகியோா் இருவரையும் மடக்கிப் பிடித்து கைது செய்தனா். காயமடைந்த சுயம்புலிங்கம், ஆத்தூா் தனியாா் மருத்துவமனையில் அனுமதிக்கப்பட்டாா்.
சம்பவத்தின்போது, நாராயணனையும், மாரியப்பனையும் பிடித்த உதவி ஆய்வாளா், காவலா்களுக்கு பொதுமக்கள் பாராட்டுத் தெரிவித்தனா்.
