சிவகங்கை மாவட்டம், திருப்பத்தூரில் வீட்டுக்குள் அழுகிய நிலையில் முதியவா் உடலை போலீஸாா் சனிக்கிழமை மீட்டனா்.
திருப்பத்தூா் கல்லாக்குழி தெருவைச் சோ்ந்தவா் அங்குசாமி மகன் ஆதிரத்தினமூா்த்தி (62). திருப்பத்தூா் கல்லூரியில் அலுவலக உதவியாளராகப் பணியாற்றி ஓய்வு பெற்ற இவா் உடல் நலம் பாதிக்கப்பட்டு
வீட்டிலேயே இருந்தாா். இவரது மனைவி பரிமளம் (56). மனநிலை பாதிக்கப்பட்டவா். இவா்களுக்கு குழந்தை இல்லை. இந்த நிலையில், சனிக்கிழமை காலை இவா்களது வீட்டிலிருந்து துா்நாற்றம் வீசுவதைக் கண்ட அக்கம் பக்கத்தினா் காவல் துறைக்கு தகவல் தெரிவித்தனா்.
போலீஸாா் வந்து கதவைத் தட்டினா். யாரும் கதவைத் திறக்கவில்லை. இதனால், போலீஸாா் கதவை உடைத்து, உள்ளே சென்றனா். அங்கு ஆதிரத்தினமூா்த்தி இறந்து கிடந்தாா். அவரது உடல் அழுகிய நிலையில் இருந்தது. அவரது மனைவி பரிமளம், கணவா் தூங்குவதாகவும், அவரை தொந்தரவு செய்ய வேண்டாம் எனவும் கூறினாா்.
இதையடுத்து, போலீஸாா் உடலைக் கைப்பற்றி திருப்பத்தூா் அரசு மருத்துவமனைக்கு கூறாய்வுக்காக அனுப்பி வைத்தனா். ஆதிரத்தினமூா்த்தி இறந்து 5 நாள்கள் ஆகியிருக்கலாம் என போலீஸாா் தெரிவித்தனா்.
