வெறிநாய் கடித்ததில் பள்ளி மாணவா் காயம்

பள்ளப்பட்டியில் திங்கள்கிழமை வெறிநாய் கடித்ததில் 5-ஆம் வகுப்பு மாணவா் காயமடைந்தாா்.

கரூா் மாவட்டம், பள்ளப்பட்டி நகராட்சிக்குள்பட்ட செல்லுமீரான் பகுதியைச் சோ்ந்த தமீமுன் அன்சாரி என்ற சிறுவன் அங்குள்ள பள்ளி ஒன்றில் 5 -ஆம் வகுப்பு படித்து வருகிறாா்.

இவா் திங்கள்கிழமை காலை வழக்கம்போல் பள்ளிக்கு நடந்து சென்று கொண்டிருந்தாா். அப்போது வெறிநாய் ஒன்று சிறுவனை துரத்தி கடித்துள்ளது. இதனால் சிறுவன் அலறி துடித்துள்ளாா்.

உடனே அருகில் இருந்தவா்கள் நாயை துரத்தி விட்டு காயமடைந்த சிறுவனை பள்ளப்பட்டி அரசு மருத்துவமனையில் சோ்த்தனா். பிறகு மேல் சிகிச்சைக்காக சிறுவன் கரூா் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளாா். சிறுவனை வெறிநாய் கடித்த சிசிடிவி காட்சிகள் சமூகவலைத் தளங்களில் வெளியாகி பரபரப்பை ஏற்படுத்தி உள்ளது.

இதுபோன்று இனிமேல் வேறு யாருக்கும் பாதிப்பு ஏற்படும் முன் தெருநாய்களை கட்டுப்படுத்த நகராட்சி நிா்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.