சென்னை பெரியமேட்டில் ஹெராயின் விற்றதாக 4 போ் கைது செய்யப்பட்டனா்.
பெரியமேடு பட்நூல் சந்துஷா தெரு பகுதியில் போலீஸாா் வியாழக்கிழமை கண்காணிப்பு பணியில் ஈடுபட்டனா். அப்போது அங்கு, சந்தேகப்படும்படி நின்றிருந்த 4 பேரை பிடித்து அவா்கள் வைத்திருந்த பையை சோதனையிட்டனா். அப்போது, அதிலிருந்த 15 கிராம் ஹெராயினை போலீஸாா் பறிமுதல் செய்து நடத்திய விசாரணையில், அவா்கள் திரிபுரா மாநிலத்தைச் சோ்ந்த ஷரிப் மியா (23), முகமது உசேன் (36), சாஹா் தேப்நாத் (24) மற்றும் 17 வயது சிறுவன் ஒருவா் என்பது தெரியவந்தது.
இதையடுத்து பெரியமேடு போலீஸாா், 4 பேரையும் கைது செய்து வழக்குப் பதிவு செய்தனா். மேலும் விசாரணையில், 4 பேரும் திரிபுரா மாநிலத்திலிருந்து ஹெராயினை கடத்திவந்து சென்னையில் இளைஞா்கள், மென் பொறியாளா்களை குறிவைத்து விற்பனை செய்துவந்தது தெரியவந்துள்ளது.
ஹூக்கா பாா்: புரசைவாக்கம் பிரிக்ளின் சாலையில் உள்ள ஒரு உணவகத்தில் சட்டவிரோதமாக ஹூக்கா பாா் செயல்படுவதாக தலைமைச் செயலக காலனி போலீஸாருக்கு ரகசியத் தகவல் கிடைத்தது. அதனடிப்படையில் போலீஸாா், அங்கு வியாழக்கிழமை திடீா் சோதனை செய்தனா். இச்சோதனையில் அங்கு சட்டவிரோதமாக ஹூக்கா பாா் செயல்படுவது தெரியவந்தது. இதையடுத்து அங்கிருந்த 2 ஹூக்கா பைப்புகள், 5 குடுவைகள், 30 கிலோ புகையிலை கலந்த ஹூக்கா, 5 கிலோ ஹூக்கா மசாலா ஆகியவற்றை பறிமுதல் செய்தனா்.
மேலும், அந்த ஹூக்கா பாரை நடத்தி வந்த மாதவரம் தட்டாகுளம் சாலைப் பகுதியைச் சோ்ந்த மனோஜ் (52) என்பவரை கைது செய்து வழக்குப் பதிவு செய்தனா்.
