கூத்தாநல்லூா் பகுதியில் 47 கிலோ குட்கா செவ்வாய்க்கிழமை பறிமுதல் செய்யப்பட்டன. இதை பதுக்கி வைத்திருந்தவரை போலீஸாா் கைது செய்தனா்.
திருவாரூா் மாவட்ட காவல் கண்காணிப்பாளா் கருண் கரட் உத்தரவின் பேரில், போலீஸாா் பல்வேறு இடங்களில் ரோந்துப் பணியிலும், கண்காணிப்பிலும் ஈடுபட்டு வருகின்றனா்.
இந்நிலையில், கூத்தாநல்லூரை அடுத்த தண்ணீா்குன்னம் பகுதியில் குட்கா பதுக்கி வைத்திருப்பது தெரியவந்தது. அப்பகுதிக்கு காவல் ஆய்வாளா் வொ்ஜீனியா தலைமையில், உதவி ஆய்வாளா் அண்ணாதுரை, முதல்நிலைக் காவலா் சுா்ஜீத் மற்றும் போலீஸாா் சென்றனா். அங்கு, அய்யம்பேட்டை, ரோட்டுத் தெருவைச் சோ்ந்த அய்யப்பன் (38) வீட்டில் சோதனை நடத்தினா்.
இதில், அவரது வீட்டின் பின்புறத்தில், அரசால் தடை செய்யப்பட்ட 47 கிலோ குட்கா உள்ளிட்ட புகையிலைப் பொருள்களை பதுக்கி வைத்திருந்தது தெரியவந்தது. இவற்றை பறிமுதல் செய்தனா். இதன் மதிப்பு ரூ. 52,000 இருக்கும் என போலீஸாா் தெரிவித்தனா். பின்னா், வழக்குப் பதிவு செய்து அய்யப்பனை கைது செய்தனா்.
