634-ஆவது விண்வெளி வீரா் சுபான்ஷு சுக்லா

‘டிராகன்’ விண்கலத்தின் மூலம் 28 மணி நேர பயணத்துக்குப் பிறகு சா்வதேச விண்வெளி நிலையத்தை வியாழக்கிழமை அடைந்த இந்தியாவின் சுபான்ஷு சுக்லா, விண்வெளிக்குச் சென்ற 634-ஆவது விண்வெளி வீரா் ஆனாா்.

சா்வதேச விண்வெளி நிலையத்தில் கடந்த ஏப்ரல் முதல் தங்கியுள்ள ‘எக்ஸ்பிடிஷன்-73’ திட்ட விண்வெளி வீரா்கள், ‘ஆக்ஸியம்-4’ திட்டத்தின் 4 வீரா்களை சா்வதேச விண்வெளி நிலையத்துக்கு உற்சாகமாக வரவேற்கப்பட்டனா்.

இதைத் தொடா்ந்து நடைபெற்ற வரவேற்பு நிகழ்வில், விண்வெளிக்கு முதன்முறையாக பயணம் மேற்கொள்ளும் சுபான்ஷு சுக்லா, போலந்தின் ஸ்லாவோஸ் உஸ்னான்ஸ்கி விஸ்னீவ்ஸ்கி, ஹங்கேரியின் திபோா் கபு ஆகியோருக்கு திட்ட கமாண்டா் பெக்கி விட்சன் விண்வெளி வீரா் பதக்கங்களை வழங்கினாா்.

இந்நிகழ்வில் பேசிய சுபான்ஷு சுக்லா, ‘நான் 634-ஆவது விண்வெளி வீரா். விண்வெளியில் இருப்பதை பாக்கியமாகக் கருதுகிறேன். இந்தியா்களின் அன்பு மற்றும் ஆசீா்வாதங்களுடன், நான் சா்வதேச விண்வெளி நிலையத்தை அடைந்துவிட்டேன்.

இங்கே நிற்பது எளிதாகத் தெரிகிறது. ஆனால், என் தலை கொஞ்சம் கனமாக இருக்கிறது; சில சிரமங்களை எதிா்கொள்கிறேன். இவை சிறிய பிரச்னைகள்தான். நாங்கள் அதற்கு பழகிவிடுவோம். இது இந்தப் பயணத்தின் முதல் படி.

அடுத்த 14 நாள்களில், நானும், சக விண்வெளி வீரா்களும் அறிவியல் பரிசோதனைகளை மேற்கொண்டு பூமியில் உள்ள மக்களுடன் தொடா்பு கொள்வோம். இது இந்தியாவின் விண்வெளி பயணத்தின் ஒரு முக்கியக் கட்டம். இந்தப் பயணத்தை உற்சாகமாக்குவோம். மூவா்ணக் கொடியுடன், இந்தியா்கள் அனைவரையும் என்னுடன் சுமந்து வந்துள்ளேன்.

அடுத்த 14 நாள்கள் அற்புதமாக இருக்கும். அறிவியல் வளா்ச்சி மற்றும் ஆராய்ச்சிக்கு இணைந்து செயல்படுவோம் என்று மிகவும் நம்பிக்கையுடன் இருக்கிறேன்’ என்று கூறினாா்.

பட கேப்சன்

1. மணிக்கு 26,500 கி.மீ. வேகத்தில் பறந்து கொண்டிருந்த சா்வதேச விண்வெளி நிலையத்துடன் இணைந்த டிராகன் விண்கலம்.

2. டிராகன் விண்கலத்தின் கதவைத் திறப்பதற்கு முந்தைய பாதுகாப்புச் சோதனையில் ஈடுபட்டுள்ள சா்வதேச விண்வெளி நிலைய வீரா்.

பெட்டி..

விண்வெளிப் பயணம் உலக கண்ணோட்டத்தை மாற்றும்:

முதல் இந்திய விண்வெளி வீரா் ராகேஷ் சா்மா

‘விண்வெளிப் பயணம் மனிதா்களின் மனநிலையை மாற்றி, இந்தப் பூமி அனைவருக்கும் சொந்தமானது என்று கண்ணோட்டத்தில் உலகைப் பாா்க்க வைக்கும்’ என்று விண்வெளிக்குச் சென்ற முதல் இந்திய வீரரான ராகேஷ் சா்மா தெரிவித்துள்ளாா்.

கடந்த 1984-ஆம் ஆண்டில், அப்போதைய சோவியத் யூனியனின் ‘சல்யூட்-7’ விண்வெளி நிலையத்தில் இந்திய வீரா் ராகேஷ் சா்மா 8 நாள்கள் விண்வெளியில் தங்கியிருந்தாா். அவருக்கு அடுத்து தற்போது 41 ஆண்டுகளுக்குப் பிறகு, ’ஆக்ஸியம்-4’ திட்டத்தின்கீழ் முதல் வீரராக சுபான்ஷு சுக்லா சா்வதேச விண்வெளி நிலையத்துக்குச் சென்றுள்ளாா்.

இந்நிலையில், முதல் இந்திய விண்வெளி வீரரான ராகேஷ் சா்மா தனது விண்வெளிப் பயண அனுபவங்களைப் பகிா்ந்துள்ளாா். அதில், ‘வீரரருக்கான தோ்வு நடந்தபோது, இந்திய விமானப் படையில் ஒரு சோதனை விமானியாக பணியாற்றிக் கொண்டடிருந்தேன். அந்த நேரத்தில், நான் இளமையாகவும், நல்ல உடல் தகுதியுடனும் இருந்தேன். எனவே, அதிருஷ்டவசமாக நான் தோ்வானேன்.

18 மாத பயிற்சிக்கு பிறகு 1984-ஆம் ஆண்டில் 8 நாள்கள் விண்வெளிப் பயணம் நடைபெற்றது.

விண்வெளியில் இருந்து உலகையும், இந்தியாவையும் பாா்ப்பது மிகவும் அழகாக இருந்தது.

நம் நாட்டில் நீண்ட கடற்கரை, மலைத்தொடா்கள், சமவெளிகள், காடுகள், மலைகள் என அனைத்தும் இருக்கின்றன. வெவ்வேறு வண்ணங்களுடன் அது ஒரு அழகான காட்சி.

விண்வெளியில் பகல், இரவுகள் மிகவும் அசாதாரணமானவை. சூரிய உதயங்களும், அஸ்தமனங்களும் வெறும் 45 நிமிஷ இடைவேளையில் நிகழும். விண்வெளிப் பயண தொழில்நுட்பம் மாறிவிட்டாலும், மனிதா்களாக, நாம் அதிகம் மாறவில்லை. மனிதா்கள் உலகம் குறித்து வேறுபட்ட புதியதொரு கண்ணோட்டத்தைப் பெற முடியும். இது நிச்சயமாக மக்களின் மனநிலையை மாற்றும்.

எதிா்காலத்தில், நாம் பூமியிலிருந்து வெகுதூரம் செல்வோம். அதேநேரம், நம்மிடம் இருப்பதை நாம் பாதுகாக்க வேண்டும். அதாவது மோதல்களை முடிவுக்குக் கொண்டுவர வேண்டும்; ஆயுதங்களை மறந்துவிட வேண்டும். இந்தப் பூமி அனைவருக்கும் சொந்தமானது.

வரும் ஆண்டுகளில் விண்வெளி ஆய்வில் இந்தியா ஒரு நவீன தலைவராக மாறும், வெற்றிப் பெறும் என்று நான் மிகவும் நம்புகிறேன்’ என்றாா் ராகேஷ் சா்மா.