Kerala BJP: கேரள பாஜக தலைவராகும் ராஜீவ் சந்திரசேகர்; கர்நாடகா டு கேரள அரசியல் என்ட்ரி! - யார் இவர்?
Admin
- yesterday
கேரள மாநில பா.ஜ.க தலைவராக இருக்கும் கே.சுரேந்திரனின் பதவிக்காலம் நிறைவடைவதை முன்னிட்டு புதிய தலைவர் பதவிக்கான தேர்தல் நடைபெற்று வருகிறது.
மாநில தலைவர் பதவிக்காக மாநில நிர்வாகிகள் எம்.டி.ரமேஷ், ஷோபா சுரேந்திரன், முன்னாள் மத்திய இணை அமைச்சர் வி.முரளீதரன் உள்ளிட்ட பலரும் முயற்சி செய்தனர்.
இந்த நிலையில் முன்னாள் மத்திய அமைச்சர் ராஜீவ் சந்திரசேகர் நியமிக்கப்பட உள்ளது கிட்டத்தட்ட உறுதி ஆகியுள்ளது. டில்லி தலைமை கூறியதை அடுத்து கேரள மாநில பா.ஜ.க தலைவர் பதவிக்கு ராஜீவ் சந்திரசேகர் வேட்புமனு தாக்கல் செய்துள்ளார்.
எனவே கேரள மாநில பா.ஜ.க தலைவராக ராஜிவ் சந்திரசேகரை நியமித்து அறிவிப்பு இன்று (மார்ச் 24) வெளியாக வாய்ப்பு உள்ளதாக தகவல் வெளியாகி உள்ளது.
ராஜீவ் சந்திரசேகரின் பெற்றோர் கேரளாவைச் சேர்ந்தவர்கள். 1964-ம் ஆண்டு மே மாதம் 31-ம் தேதி குஜராத் மாநிலம் அஹமதாபாத்தில் பிறந்தார். மணிப்பூர் இன்ஸ்டிடியூட் ஆஃப் டெக்னாலஜியில் எலக்ட்ரிக்கல் இன்ஜினியரிங் படித்தார். பின்னர் அமெரிக்காவில் சென்று உயர் படிப்புகளை முடித்தார்.
தொழில் அதிபரான ராஜீவ் சந்திரசேகர் 2006 முதல் 2018-வரை கர்நாடகா-வில் இருந்து மேல்சபை எம்.பி-யாக தேர்ந்தெடுக்கப்பட்டார். 2018-ல் முறைப்படி பா.ஜ.க-வில் இணைந்தார்.
அதன் பிறகு பா.ஜ.க சார்பில் கர்நாடகா மாநிலத்தில் இருந்து ராஜ்யசபா எம்.பி-யாக தேர்ந்தெடுக்கப்பட்ட ராஜீவ் சந்திரசேகர் மோடியின் இரண்டாவது ஆட்சியில் மத்திய திறன் மேம்பாடு, தொழில்முனைவோர், மின்னணுவியல் மற்றும் தகவல் தொழில்நுட்பத் துறை இணையமைச்சராக பதவி வகித்தார்.
கடந்த நாடாளுமன்ற தேர்தலில் திருவனந்தபுரம் தொகுதியில் பா.ஜ.க சார்பில் போட்டியிட்டார். காங்கிரஸ் கட்சியைச் சேர்ந்த சிட்டிங் எம்.பி சசிதரூருக்கு தேர்தல் களத்தில் கடும் நெருக்கடி கொடுத்த ராஜீ. ராஜீவ் சந்திரசேகர் சுமார் 15 ஆயிரம் வாக்குகள் வித்தியாசத்தில் தோல்வியடைந்தார்.
தேர்தல் தோல்வியைத் தொடர்ந்து பொது வாழ்வில் இருந்து ஒதுங்கி இருக்கப்போவதாக சமூக வலைத்தளங்களில் பதிவிட்டார்.
தேசிய தலைவர்கள் சமாதானப்படுத்தியதைத் தொடர்ந்து அந்த பதிவை நீக்கினார். கேரளாவில் 2026-ல் சட்டசபை தேர்தல் நடைபெற உள்ளதைத் தொடர்ந்து வலுவான மாநில தலைவர் வேண்டும் என்பதற்காக பா.ஜ.க தேசிய தலைமை ராஜீவ் சந்திரசேகரை தேர்ந்தெடுத்திருப்பதாக கூறப்படுகிறது.
மேலும், கேரள பா.ஜ.க-வில் கோஷ்டிகளை ஒருங்கிணைப்பதற்காக டெல்லி அரசியலில் இருந்து ராஜிவ் சந்திரசேகரை மாநில தலைவர் ஆக்க முடிவு செய்துள்ளதாம்.
Vikatan WhatsApp Channel
இணைந்திருங்கள் விகடனோடு வாட்ஸ்அப்பிலும்... CLICK BELOW LINK
https://bit.ly/VikatanWAChannel
