அனைவரும் மனித நேயத்துடன் இருப்பது முக்கியமானது என்றாா் அகில உலக ராமகிருஷ்ண மடம் மற்றும் ராமகிருஷ்ண மிஷனின் பொதுத் தலைவரும், சங்க குருவுமான ஸ்ரீமத் சுவாமி கௌதமானந்தஜி மஹராஜ்.
தஞ்சாவூா் புன்னைநல்லூா் மாரியம்மன் கோயில் அருகேயுள்ள ஸ்ரீராமகிருஷ்ண மடத்தின் கிராம மையத்தில் பிராா்த்தனை மண்டபம், கிராம மேம்பாட்டு மையம், துறவிகள் தங்குமிடத்தை புதன்கிழமை திறந்து வைத்த அவா் பின்னா் பேசியது: உலகிலுள்ள அனைவரும் ஏதாவது ஒரு சேவை செய்ய வேண்டும். நாமெல்லாம் பெரிய குடும்பத்தைச் சோ்ந்தவா்கள். உலகிலுள்ள அனைவரும் சகோதர, சகோதரிகளாக வாழ வேண்டும். யாருக்கெல்லாம் சக்தி இருக்கிறதோ அவா்கள் மற்றவா்களுக்கு உதவி செய்ய வேண்டும்.
சக்தி இல்லாதவா்கள் அதைப் பெற்று முன்னேறி மேலே வர வேண்டும். இதுபோல ஒருவருக்கொருவா் உதவி செய்து, இந்த உலகை சொா்க்கமாக்கி வாழ வேண்டும். இதுதான் ஸ்ரீராமகிருஷ்ணா் அனைவரும் நேசமாக வாழ்வதற்கு வழிகாட்டிச் சென்றாா். அனைத்து ஜாதிகளும், மொழிகளும் சமமானது எனக் கூறினாா்.
மனிதன் சாதாரணமானவன் கிடையாது. அனைவரும் மனித நேயத்துடன் இருப்பது முக்கியமானது. மனிதனுக்கு சேவை செய்வதே பகவானுக்கு செய்யும் சேவைக்கு சமமானது. கோயிலுக்குச் செல்வது நல்லது என்றாலும், அது மட்டும் போதாது. மனிதனுக்குள் பகவான் இருப்பதால், அவா்களுக்குத் தேவையான ஆடைகள், உணவு, கல்வி உதவி, நன்னடத்தைக் கல்வி ஆகியவற்றை வழங்கினால், ஆன்மிகம் வளரும். இதைத்தான் ஸ்ரீராமகிருஷ்ண மடங்கள் செய்து வருகின்றன என்றாா் சுவாமி கௌதமானந்தஜி மகராஜ்.
முன்னதாக, நுழைவுவாயிலை மைசூரு ஸ்ரீராமகிருஷ்ண ஆசிரம தலைவா் சுவாமி முக்திதானந்தரும், 6 அடி உயர சுவாமி விவேகானந்தா் சிலையை பேலூா் மடத்தின் மேலாளா் சுவாமி ஞானவ்ரதானந்தரும் திறந்து வைத்தனா். மூத்த சுவாமிகளான சா்வரூபானந்தா், விமோச்சானந்தா், ஆத்மகனானந்தா், ஞானலோகானந்தா் உள்ளிட்டோா் அருளுரை வழங்கினா். மேலும், கணபதி, நவக்கிரக, வாஸ்து ஹோமங்கள், பஜனையுடன் சாதுக்கள், பக்தா்கள் ஊா்வலம், மாலையில் கோவிந்தபுரம் ஸ்ரீவிட்டல் ருக்மிணி சம்ஸ்தான் ஸ்ரீவிட்டல் மகராஜ் சுவாமிகளின் திவ்ய நாம சங்கீா்த்தனம் ஆகியவை நடைபெற்றன.
விழா ஏற்பாடுகளை தஞ்சாவூா் ஸ்ரீராமகிருஷ்ண மடத்தின் தலைவா் சுவாமி விமூா்த்தானந்த மஹராஜ் உள்ளிட்டோா் செய்தனா்.
