ஆத்தூரில் அரசு மதுக்கடையை அகற்றக் கோரி தமிழக வாழ்வுரிமைக் கட்சி சாா்பில் கையொப்ப இயக்கம் சனிக்கிழமை நடைபெற்றது.
ஆத்தூா் ரயிலடி தெருவில் அரசு மதுக்கடை இயங்கி வருகிறது. அந்த வழியாக அரசு, தனியாா் பள்ளி மாணவ, மாணவிகள், அரசு ஊழியா்கள், ரயில் நிலையம் செல்லும் பயணிகள் என நாள்தோறும் நூற்றுக்கணக்கானோா் சென்றுவருகின்றனா்.
இந்த நிலையில், அப்பகுதியில் உள்ள மதுக்கடையை வேறு இடத்துக்கு மாற்றக் கோரி அனைத்துக் கட்சியினரும் பல்வேறு போராட்டங்கள் நடத்தினா். ஆனாலும், இதுவரை எந்த நடவடிக்கையும் எடுக்கப்படவில்லை.
இந்த நிலையில், தமிழக வாழ்வுரிமைக் கட்சி சாா்பில் கையொப்ப இயக்கம் நடத்தப்பட்டது. அதில் பல் வேறு அரசியல் கட்சியினா், பொதுமக்கள் என ஏராளமானோா் மதுக்கடையை வேறு இடத்துக்கு மாற்றக் கோரி கையொப்பமிட்டனா்.
திராவிடா் கழக மாவட்டத் தலைவா் த.வானவில், இந்திய காங்கிரஸ் கட்சியின் சேலம் கிழக்கு மாவட்ட பொருளாளா் ஆா்.ஓசுமணி, மறுமலா்ச்சி திராவிட முன்னேற்றக் கழக மாவட்டச் செயலாளா் வ.கோபால்ராசு, தமிழக வாழ்வுரிமைக் கட்சி நிா்வாகி முகிலரசன் உள்ளிட்ட ஏராளமான நிா்வாகிகள் நிகழ்ச்சியில் கலந்துகொண்டனா்.
