அழகப்பா பல்கலை. இணைப்புக் கல்லூரிகளின் முதுநிலை பாடத் தோ்வு முடிவுகள் வெளியீடு
இந்திய விண்வெளி வீரா் சுபான்ஷு சுக்லா உள்பட 4 வீரா்களை சா்வதேச விண்வெளி நிலையத்துக்கு அழைத்துச் செல்லும் ‘ஆக்ஸியம்-4’ திட்டம் வரும் ஞாயிற்றுக்கிழமை (ஜூன் 22) செயல்படுத்தப்படவிருந்த நிலையில், திட்டத்தை அமெரிக்க விண்வெளி ஆய்வு நிறுவனமான நாசா மீண்டும் ஒத்திவைத்தது.
சா்வதேச விண்வெளி நிலையத்தில் ரஷிய பிரிவில் அண்மையில் ஏற்பட்ட அழுத்தக் கோளாறுக்கான காரணம் குறித்து ஆராய கூடுதல் கால அவகாசம் தேவை என்பதால், ஆக்ஸிம்-4 திட்டம் ஒத்திவைக்கப்படுவதாக நாசா தெரிவித்தது.
அமெரிக்காவில் செயல்படும் மனித விண்வெளிப் பயண சேவைகள் நிறுவனமான ‘ஆக்ஸியம் ஸ்பேஸ்’ நிறுவனத்தின் ‘ஆக்ஸியம்-4’ திட்டத்தின்கீழ் மேற்கொள்ளப்படவுள்ள இந்த விண்வெளிப் பயணத்தில், சுக்லாவுடன் போலந்து வீரா் ஸ்லாவோஸ் உஸ்னான்ஸ்கி விஸ்னீவ்ஸ்கி, ஹங்கேரி வீரா் திபோா் கபு ஆகியோரும் விண்வெளிக்குச் செல்கின்றனா். சா்வதேச விண்வெளி நிலையத்தில் இவா்கள் 14 நாள்கள் தங்கியிருந்து ஆய்வுகளை மேற்கொள்ள உள்ளனா்.
இத் திட்டத்தில் ஸ்பேஸ்-எக்ஸ், ஆக்ஸியம் ஸ்பேஸ் நிறுவனங்களுடன் இணைந்து இஸ்ரோவும் செயல்பட்டு வருகிறது.
இவா்களின் விண்வெளிப் பயணம் கடந்த மே 29-ஆம் தேதி திட்டமிடப்பட்டது. பின்னா் ஜூன் 8-ஆம் தேதிக்கும், ஜூன் 10-ஆம் தேதிக்கும் ஒத்திவைக்கப்பட்டது. திட்டமிடப்பட்ட பாதையில் ஜூன் 10-ஆம் தேதி நிலவிய மோசமான வானிலை காரணமாக ஏவுகலன் ஏவுதல் ஜூன் 11-ஆம் தேதிக்கு மாற்றப்பட்டது. கடைசி நேர சோதனைகளின்போது ஏவுகலனில் திரவ ஆக்சிஜன் கசிவு கண்டறியப்பட்டதால், ஏவுதல் மீண்டும் ஒத்திவைக்கப்பட்டது.
பின்னா், சா்வதேச விண்வெளி நிலையத்தில் (ஐஎஸ்எஸ்) உள்ள ரஷிய பிரிவில் தொழில்நுட்பக் கோளாறு கண்டறியப்பட்டது. இந்த இரு கோளாறுகளும் தற்போது சரிசெய்யப்பட்டதைத் தொடா்ந்து, ‘ஆக்ஸியம்-4’ திட்டத்தை வரும் 22-ஆம் தேதி செயல்படுத்தத் திட்டமிடப்பட்டது. ஆனால், இத் திட்டம் தற்போது மேலும் ஒத்திவைக்கப்பட்டுள்ளது.
இதுகுறித்து ஆக்ஸியம் ஸ்பேஸ்’ நிறுவனம் வெள்ளிக்கிழமை வெளியிட்ட செய்திக்குறிப்பில் கூறியிருப்பதாவது:
சா்வதேச விண்வெளி நிலையத்தில் ரஷிய பிரிவில் அண்மையில் ஏற்பட்ட அழுத்தப் பிரச்னை சரி செய்யப்பட்ட நிலையில், அதற்கான காரணம் மற்றும் கூடுதல் விண்வெளி வீரா்களை சா்வதேச விண்வெளி நிலையம் தாங்குவதற்குத் தயாராக இருப்பதை உறுதிப்படுத்துவதற்கான ஆய்வை நாசா மேற்கொண்டு வருகிறது.
இதற்கு கூடுதல் கால அவகாசம் தேவை. எனவே, ‘ஆக்ஸியம்-4’ திட்டத்தை மீண்டும் ஒத்திவைக்க நாசா முடிவு செய்துள்ளது’ என்று தெரிவிக்கப்பட்டது.
இது குறித்து நாசாவின் சா்வதேச விண்வெளி நிலையத் திட்ட மேலாளா் டேனா வெய்ஜெல் கூறுகையில், ‘ஆக்ஸிம்-4 திட்டத்தைச் செயல்படுத்த ஜூன் 30-ஆம் தேதி வரை வாய்ப்பு உள்ளது. ஒருவேளை, ஜூன் மாதத்தில் இத் திட்டத்தைச் செயல்படுத்த முடியாமல் போனால், ஜூலை மாத மத்தியில் இத் திட்டம் செயல்படுத்தப்பட வாய்ப்புள்ளது’ என்றாா்.
