காட்பாடியில் அரசுப் பள்ளி ஆசிரியை வீட்டில் நகை, பணம் திருடு போனது குறித்து போலீஸாா் விசாரணை நடத்தினா்.
வேலூா் காட்பாடி மதநகா் பகுதியை சோ்ந்தவா் அரசு பள்ளி ஆசிரியை பத்மாவதி (50). இவா் சனிக்கிழமை பள்ளிக்கு சென்றுவிட்டு மாலையில் வீடு திரும்பினாா். அப்போது வீட்டின் கதவு பூட்டு மற்றும் பீரோ ஆகியவை உடைக்கப்பட்டிருந்தது. பீரோவில் வைக்கப்படிருந்த 3 பவுன் தங்க நகைகள், வெள்ளிப் பொருள்கள், ரொக்கம் ரூ.12,000 ஆகியவை திருடு போயிருந்தது தெரியவந்தது.
இதுகுறித்து விருதம்பட்டு போலீஸாா் வழக்குப் பதிந்து விசாரணை நடத்தினா்.
