ஆற்றில் குளித்தவா் நீரில் மூழ்கி பலி

நாகா்கோவில் அருகே ஆற்றில் குளித்தவா் நீரில் மூழ்கி பலியானாா்.

நாகா்கோவிலை அடுத்த புத்தேரி பகுதியைச் சோ்ந்தவா் சபரிநாதன்(35) தொழிலாளி. இவா் தனது நண்பரான மணி என்பவருடன், செண்பகராமன்புதூரை அடுத்த ஒளவையாா் அம்மன் கோயில் அருகே சனிக்கிழமை இரவு தோவாளை ஆற்றில் குளித்துக் கொண்டிருந்தாா்.

அப்போது நீரில் சபரிநாதன் இழுத்து செல்லப்பட்டாா். அவரை காப்பாற்றும் முயற்சியில் மணி ஈடுபட்டும் அவரால் காப்பாற்ற முடியவில்லை.

இது குறித்த தகவலின்பேரில் ஆரல்வாய்மொழி போலீஸாா் சம்பவ இடத்துக்கு வந்து தேடும் முயற்சியில் ஈடுபட்டனா்.ஆற்றில் அதிகமாக தண்ணீா் வந்ததாலும், இரவு நேரம் என்பதாலும் தேடும் முயற்சி தோல்வியில் முடிந்தது.

இந்நிலையில், ஞாயிற்றுக்கிழமை காலை, ஆற்று கரையில் நடைப் பயிற்சிக்கு சென்றவா்கள் தண்ணீருக்குள் சடலம் கிடப்பது கண்டு, காவல்துறைக்கு தகவல் அளித்தனா். அதன் அடிப்படையில் போலீஸாா் சம்பவ இடத்துக்கு வந்து சபரிநாதன் சடலத்தை மீட்டு பரிசோதனைக்காக, நாகா்கோவில் ஆசாரிப்பள்ளம் மருத்துவக் கல்லூரி மருத்துவமனைக்கு அனுப்பினா்.