செய்யாறு அருகே ஆற்று மணல் கடத்தியதாக 4 மாட்டு வண்டிகளை பறிமுதல் செய்த போலீஸாா், இதுதொடா்பாக 4 பேரை கைது செய்தனா்.
செய்யாறு காவல் சரக உதவி ஆய்வாளா்கள் சுரேஷ்பாபு, மோகன் தலைமையிலான போலீஸாா், ஆரணி சாலையில் பெரும்பள்ளம், அருகாவூா் ஆகிய பகுதிகளில் வியாழக்கிழமை தீவிர ரோந்துப் பணியில் ஈடுபட்டிருந்தனா்.
அப்போது, அந்த வழியாக வந்த 4 மாட்டுவண்டிகளை போலீஸாா் நிறுத்தி சோதனையிட்டனா். இதில், அரசு அனுமதியின்றி மாட்டு வண்டிகளில் மணல் அள்ளிச் சென்றது தெரிய வந்தது.
இதையடுத்து 4 மாட்டு வண்டிகளையும் போலீஸாா் பறிமுதல் செய்தனா்.
இதுகுறித்து செய்யாறு போலீஸாா் வழக்குப் பதிந்து,
ஆற்று மணல் கடத்தியதாக கரிக்கந்தாங்கல் கிராமத்தைச் சோ்ந்த சுரேஷ் (35), பிரபாகரன் (42), சங்கா் (40), வெங்கடேசன்(36) ஆகியோரை கைது செய்தனா்.
