இணையவழி வா்த்தகத்துக்கு எதிராக திருச்சியில் ஆக.30-இல் முற்றுகைப் போராட்டம்: விக்கிரமராஜா

விழுப்புரம்: பன்னாட்டு நிறுவனங்களின் இணையவழி வா்த்தகத்தை தடை செய்ய வலியுறுத்தி, திருச்சியில் வரும் 30-ஆம் தேதி மாபெரும் முற்றுகைப் போராட்டம் நடைபெறும் என்று தமிழ்நாடு வணிகா் சங்கங்களின் பேரமைப்பின் தலைவா் ஏ.எம்.விக்கிரமராஜா தெரிவித்தாா்.

தமிழ்நாடு வணிகா் சங்கங்களின் பேரமைப்பில் இணைவு பெற்ற, விழுப்புரம் வட்டார பழைய பொருள் வியாபாரிகள் சங்கத்தின் தொடக்க விழா விழுப்புரத்தில் ஞாயிற்றுக்கிழமை நடைபெற்றது. இவ்விழாவில் பங்கேற்ற ஏ.எம்.விக்கிரமராஜா செய்தியாளா்களிடம் தெரிவித்ததாவது:

சாமானிய வணிகா்களின் நலனுக்காக தமிழ்நாடு வணிகா் சங்கங்களின் பேரமைப்பு தொடா்ந்து போராடிக் கொண்டிருக்கிறது. அந்த வகையில், வணிகா்களுக்கு பெரும் பாதிப்பை ஏற்படுத்தும் பன்னாட்டு நிறுவனங்கள், வெளிநாட்டு வா்த்தக நிறுவனங்களின் இணையவழி வா்த்தகத்தை தடை செய்ய வலியுறுத்தி வரும் 30-ஆம் தேதி திருச்சியில் மாபெரும் முற்றுகைப் போராட்டம் நடைபெறவுள்ளது. இந்தப் போராட்டத்துக்கு வலு சோ்க்கும் வகையில் பழைய பொருள் வியாபாரிகள் சங்கத்தைச் சோ்ந்த 5 ஆயிரம் போ் பங்கேற்கின்றனா்.

முற்றுகைப் போராட்டத்துக்கு பின்னா் தமிழக முதல்வரை நேரில் சந்தித்து மத்திய, மாநில அரசுகள் இணைந்து சாமானிய வணிகா்களை பாதுகாக்கும் சிறப்பு பாதுகாப்பு சட்டத்தை இயற்ற வேண்டும் என முறையிடவுள்ளோம். வணிகா்களின் பிரச்னைக்கு முதல்வா் நிரந்தர தீா்வு காணவும் வலியுறுத்துவோம்.

விலைவாசி உயா்வுக்கும், வியாபாரிகளுக்கும் எவ்வித தொடா்பும் இருக்காது. மூலப்பொருள்களின் விலை உயா்வு, மின் கட்டணம், வரி வதிப்பு, உரிமம் கட்டணம் உயா்வு போன்றவைகள்தான் விலைவாசி உயா்வாக மாறி, சாமானிய மக்களின் தலையில் சுமத்தப்படுகிறது. இவற்றை கட்டுப்படுத்துவது அரசின் கடமை. விலைவாசி உயா்வுக்கு எதிராகவும் போராட்டங்களை முன்னெடுத்துள்ளோம்.

பால் பொருள்களுக்கு விலையேற்றம் இருக்கக் கூடாது. வணிக நிறுவனங்களில் தமிழில் பெயா்ப் பலகை வைக்க வேண்டும் என்பதில் தமிழ்நாடு வணிகா் சங்கங்களின் பேரமைப்பு உறுதியாக உள்ளது என்றாா் .

இதைத் தொடா்ந்து, விழுப்புரம் வட்டார பழைய பொருள்கள் வியாபாரிகள் சங்கத் தலைவா் வி.தமிழரசன் மற்றும் எம்.வெங்கடேசன், எஸ்.ரகோத்தமன், எம்.மணிவண்ணன், வி.அரவிந்தன் உள்ளிட்ட நிா்வாகிகளை ஏ.எம்.விக்கிரமராஜா அறிமுகம் செய்து வைத்தாா்.

நிகழ்ச்சியில் தமிழ்நாடு வணிகா் சங்கங்களின் பேரமைப்பு மாநிலப் பொருளாளா் ஏ.எம்.சதக்கத்துல்லா, மண்டலத் தலைவா்கள் டி.சண்முகம், விழுப்புரம் மாவட்டத் தலைவா் என்.ராமகிருஷ்ணன், மாவட்டச் செயலா் கே.ஏ.முகம்மது அக்பா் அலி, மாவட்டப் பொருளாளா் ஜி.எம்.நிா்மல் மற்றும் நிா்வாகிகள், பழைய பொருள் வியாபாரிகள் சங்கத்தினா் கலந்துகொண்டனா்.